Covid Kerala : വടക്കൻ കേരളത്തിൽ ആരോഗ്യ പ്രവര്‍ത്തകരില്‍ കോവിഡ് പടരുന്നു; ആരോഗ്യവകുപ്പ് ആശങ്കയിൽ
ആരോഗ്യ പ്രവർത്തകരിൽ രോഗബാധ പടരുന്നതിനിടെ , ഇതിന് ബദൽ സംവിധാനം ഒരുക്കുകയാണ് ആരോഗ്യവകുപ്പ്.
Kozhikode : കേരളത്തിൽ കോവിഡ് രോഗബാധ (Covid 19) പടർന്ന് പിടിക്കുന്നതിനിടയിൽ വടക്കൻ കേരളത്തിൽ അതീവ ആശങ്ക. ആരോഗ്യ പ്രവർത്തകർക്കിടയിൽ കോവിഡ് രോഗബാധ പടർന്ന് പിടിക്കുന്നതാണ് ഇപ്പോൾ ആശങ്കയ്ക്ക് ഇടയാക്കുന്നത്. ആരോഗ്യ പ്രവർത്തകരിൽ രോഗബാധ പടരുന്നതിനിടെ, ഇതിന് ബദൽ സംവിധാനം ഒരുക്കുകയാണ് ആരോഗ്യവകുപ്പ്.
ഇതിന് മുമ്പ് നിലനിന്നിരുന്ന ചികിത്സ സൗകര്യങ്ങളുടെ പ്രതിസന്ധി ആരോഗ്യവകുപ്പ് പരിഹരിച്ചിരുന്നു. എന്നാൽ ഇപ്പോൾ ആരോഗ്യ പ്രവർത്തകരുടെ എണ്ണത്തിൽ വന്നിരിക്കുന്ന കുറവ് വൻ പ്രതിസന്ധിയായി അറിയിരിക്കുകയാണ്. ഇത് പരിഹരിക്കുന്നതാണ് ആരോഗ്യ വകുപ്പ് നിലവിൽ നേരിടുന്ന പ്രധാന പ്രതിസന്ധി.
കോഴിക്കോട് മെഡിക്കൽ കോളേജിൽ ഇന്നലെ മാത്രം കോവിഡ് രോഗബാധ സ്ഥിരീകരിച്ചത് 57 ആരോഗ്യ പ്രവർത്തകർക്കാണ്. ഇതിൽ തന്നെ 17 പേർ ഡോക്ടർമാരാണ്. ഇതോട് കൂടി കോഴിക്കോട് മെഡിക്കൽ കോളേജിൽ മാത്രം കോവിഡ് രോഗബാധയെ തുടർന്ന് ചികിത്സയിൽ കഴിയുന്നവരുടെ ആരോഗ്യ പ്രവർത്തകരുടെ എണ്ണം 211 ആയി.
ALSO READ: Actress attack case | ദിലീപ് ഉൾപ്പെടെ നാല് പ്രതികൾ ഫോൺ മാറ്റി; പഴയ ഫോണുകൾ ഹാജരാക്കാൻ നോട്ടീസ്
അതേസമയം കോഴിക്കോട് ബീച്ച് ആശുപത്രിയിൽ 2 ആരോഗ്യ പ്രവർത്തകർക്ക് കൂടി രോഗബാധ സ്ഥിരീകരിച്ചു. ഇതോട് കൂടി ഇവിടെ കോവിഡ് രോഗബാധ സ്ഥിരീകരിച്ച ആരോഗ്യ പ്രവർത്തകരുടെ എണ്ണം 42 ആയി ഉയർന്നു. ഈ സാഹചര്യത്തിൽ കൊവിഡ് ബ്രിഗേഡുകളെ അടിയന്തരമായി നിയമിക്കണമെന്ന ആവശ്യവും ശക്തമായിട്ടുണ്ട്.
പാലക്കാടും മലപ്പുറത്തും കോവിഡ് രോഗബാധ വർദ്ധിച്ച് വരികെയാണ്. ഇവിടങ്ങളിലും ആരോഗ്യ പ്രവർത്തകരിൽ രോഗബാധ പടർന്ന് പിടിക്കുന്നുണ്ട്. മലപ്പുറത്ത് രോഗബാധിതരുടെ എണ്ണം മൂവായിരത്തിന് മുകളിലേക്ക് ഉയർന്നതോടെ അതീവ ജാഗ്രതയിലാണ്. വയനാട്, കണ്ണൂര്‍ ജില്ലകളിലും രോഗബാധിതരുടെ എണ്ണം ഉയർന്ന് തന്നെ തുടരുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...