K.N Balagopal: കേന്ദ്ര വിഹിതം വേണമെങ്കിൽ കേസ് പിൻവലിക്കണമെന്ന് കേന്ദ്രം; ആരോപണവുമായി കെഎൻ ബാലഗോപാൽ

സംസ്ഥാനത്തിന് കേന്ദ്ര വിഹിതം നൽകണമെങ്കിൽ കേരളം സുപ്രീം കോടതിയിൽ നൽകിയിട്ടുള്ള കേസ് പിൻവലിക്കണമെന്ന് കേന്ദ്രം ആവശ്യപ്പെട്ടന്ന് ധനകാര്യവകുപ്പ് മന്ത്രി കെ.എൻ ബാലഗോപാൽ. ഹർജി പിൻവലിച്ചെങ്കിൽ മാത്രമെ വിഹിതം തരികയുള്ളൂ എന്ന് പറയുന്നത് ശരിയല്ലന്നും ധനമന്ത്രി വ്യക്തമാക്കി. 

ഹർജി ഇല്ലെങ്കിലും സംസ്ഥാനത്തിന് കേന്ദ്രം തരേണ്ടതാണ്. അർഹതപ്പെട്ടതും അവകാശപ്പെട്ടതുമാണ് നമ്മൾ ചോദിക്കുന്നത്. മാർച്ച് 6,7തീയതികളിൽ കോടതിയിൽ വിശദമായ വാദം ഉണ്ടന്നും ബാലഗോപാൽ കൊല്ലത്ത് പറഞ്ഞു.

കേന്ദ്രം സാമ്പത്തികമായി ഞെരുക്കുന്നുവെന്നും ശമ്പളവും പെൻഷനും നൽകാൻ പോലും സംസ്ഥാന സര്‍ക്കാര്‍ ബുദ്ധിമുട്ടുകയാണെന്നുമാണ് കേരളം സുപ്രീം കോടതിയിൽ നൽകിയ ഹര്‍ജിയിൽ ആരോപിക്കുന്നത്. 

വയനാട്ടിലെ വന്യമൃഗ ആക്രമണം: കൊല്ലപ്പെട്ടവരുടെ കുടുംബത്തിന് സഹായവുമായി ബോബി ചെമ്മണ്ണൂർ

വയനാട്ടിൽ വന്യമൃഗങ്ങളുടെ ആക്രമണങ്ങളിൽ കൊല്ലപ്പെട്ടവരുടെ കുടുംബങ്ങൾക്ക് ബോബി ചെമ്മണ്ണൂർ ചാരിറ്റബിൾ ട്രസ്റ്റ് ധനസഹായം കൈമാറി. കാട്ടാനാ ആക്രമണത്തിൽ കൊല്ലപ്പെട്ട പനച്ചിയിൽ അജീഷ്, വെള്ളച്ചാൽ പോൾ , വാകേരിയിൽ കടുവയുടെ ആക്രമണത്തിൽ കൊല്ലപ്പെട്ട പ്രജീഷ്, എന്നിവരുടെ കുടുംബാംഗങ്ങൾക്ക് അഞ്ച് ലക്ഷം രൂപ വീതം നൽകി. 

തുക ചെക്കായി ജന പ്രതിനിധികളുടെ സാന്നിധ്യത്തിലാണ് കൈമാറിയത്.  കാട്ടാനയുടെ ആക്രമണത്തിൽ ഗുരുതരമായി പരിക്കേറ്റ് കിടപ്പിലായ പാക്കം കാട്ടുനായ്ക്ക കോളനിയിലെ ശരത്തിനും രണ്ട് ലക്ഷം രൂപ ചികിത്സാ സഹായം കൈമാറി.