Gold Rate Today: തുടര്‍ച്ചയായ ഇടിവില്‍ സ്വര്‍ണവില, പവന് 160 രൂപ കുറഞ്ഞു
ഉത്സവകാലത്ത് സ്വര്‍ണവിലയില്‍ വന്‍ ഇടിവ്. കഴിഞ്ഞ ദിവസങ്ങളിലുണ്ടായ കുറവിന് ശേഷം അക്ഷയ തൃതീയ ദിനമായ ചൊവ്വാഴ്ച സ്വര്‍ണവിലയില്‍ മാറ്റമില്ലായിരുന്നു.
Gold Rate today: ഉത്സവകാലത്ത് സ്വര്‍ണവിലയില്‍ വന്‍ ഇടിവ്. കഴിഞ്ഞ ദിവസങ്ങളിലുണ്ടായ കുറവിന് ശേഷം അക്ഷയ തൃതീയ ദിനമായ ചൊവ്വാഴ്ച സ്വര്‍ണവിലയില്‍ മാറ്റമില്ലായിരുന്നു.
എന്നാല്‍, ബുധനാഴ്ച വിപണി ആരംഭിച്ചതേ സ്വര്‍ണവിലയില്‍ ഇടിവാണ് രേഖപ്പെടുത്തിയത്. ഇന്ന്
ഒരു പവൻ സ്വർണത്തിന് 160 രൂപയാണ് കുറഞ്ഞത്‌. ഇതോടെ സംസ്ഥാനത്ത് ഒരു പവൻ സ്വർണത്തിന്‍റെ വില 37600 രൂപയായി. സംസ്ഥാനത്ത് ഒരു ഗ്രാം 22 കാരറ്റ് സ്വർണത്തിന്‍റെ വില 20 രൂപ കുറഞ്ഞു. ഇതോടെ ഒരു ഗ്രാം 22 കാരറ്റ് സ്വർണത്തിന് വിപണി വില 4,700 രൂപയായി.
Also Read: Gold Rate On Akshaya Tritiya: അക്ഷയ തൃതീയ ദിനത്തില്‍ കുറഞ്ഞ നിരക്കില്‍ സ്വര്‍ണവില
കഴിഞ്ഞ ഒരാഴ്ചയായി സ്വര്‍ണവിലയില്‍ കനത്ത ഇടിവാണ് രേഖപ്പെടുത്തുന്നത്. ഒരാഴ്ചയ്ക്കുള്ളിൽ 1600 രൂപയുടെ കുറവാണ് സംഭവിച്ചത്. ഏപ്രിൽ 30 ന് രണ്ട് തവണയായി 920 രൂപ കുറഞ്ഞിരുന്നു.
ഈ വര്‍ഷം അക്ഷയ തൃതീയയും ചെറിയ പെരുന്നാളും ഒരുമിച്ചെത്തിയത് വ്യാപാരികള്‍ക്ക് ഏറെ ആവേശമുണ്ടാക്കി. ഒപ്പം സ്വര്‍ണവിലയില്‍ വന്ന കുറവ് ഉപഭോക്താക്കളില്‍ ഉത്സാഹം തിരിച്ചെത്തിച്ചിരിയ്ക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...