Transport Commissioner: സുരക്ഷ ഉറപ്പാക്കാം; 4 വയസിന് മുകളിലുള്ള കുട്ടികൾക്ക് ഹെൽമറ്റ് കർശനം, കാറിൽ പ്രത്യേക സീറ്റും നിർബന്ധം

തിരുവനന്തപുരം: യാത്രയിൽ കുട്ടികളുടെ സുരക്ഷ ഉറപ്പാക്കാൻ പുതിയ പരിഷ്ക്കാരങ്ങളുമായി ​ഗതാ​ഗത കമ്മീഷണർ. നാല് വയസിന് മുകളിലുള്ള കുട്ടികൾക്ക് ഹെൽമറ്റ് കർശനമാക്കി. കൂടാതെ 14 വയസ്സുവരെയുള്ള കുട്ടികൾക്ക് കാറിൽ പ്രത്യേക സീറ്റും നിർബന്ധമാക്കുന്നു. ഒരു വയസ് മുതൽ നാല് വയസ് വരെയുള്ള കുട്ടികൾക്ക് പിൻസീറ്റിൽ പ്രത്യേക സീറ്റും 4 മുതൽ 14 വയസ് വരെയുള്ള കുട്ടികൾക്ക് പ്രത്യേക മാതൃകയിലുള്ള സീറ്റും വേണമെന്നാണ് പരിഷ്കാരം. കുട്ടിയുടെ ഉയരത്തിനനുസരിച്ച് സീറ്റ് തയ്യാറാക്കണമെന്ന് ഗതാഗത കമ്മീഷണർ വ്യക്തമാക്കി. ഇരുചക്ര വാഹനങ്ങളിൽ യാത്ര ചെയ്യുമ്പോൾ കുട്ടികളെ രക്ഷിതാക്കളുമായി ബെൽറ്റ് ഉപയോഗിച്ച് ബന്ധിപ്പിക്കുന്നത് അപകടം കുറയ്ക്കുമെന്നും ഗതാഗത കമ്മീഷണർ പറഞ്ഞു. ഒക്ടോബർ, നവംബർ മാസങ്ങളിൽ ഉതുമായി ബന്ധപ്പെട്ട് പ്രചാരണവും മുന്നറിയിപ്പും നൽകും. ഡിസംബർ മാസം മുതൽ പിഴ ഈടാക്കി തുടങ്ങും.