Kerala Weather Updates: സംസ്ഥാനത്ത് ഉയർന്ന താപനില മുന്നറിയിപ്പ്; നാല് ജില്ലകളിൽ യെല്ലോ അലേർട്ട്

തിരുവനന്തപുരം: സംസ്ഥാനത്ത് താപനില ഉയരാൻ സാധ്യതയെന്ന് കാലാവസ്ഥ നിരീക്ഷണ കേന്ദ്രം. വിവധ ജില്ലകളിൽ യെല്ലോ അലർട്ട്. കണ്ണൂർ,കോട്ടയം, ആലപ്പുഴ, കോഴിക്കോട് ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. സാധാരണ നിലയോക്കാൾ 3 മുതൽ 4ഡിത്രി സെൽഷ്യസ് വരെ ചൂടു കൂടുമെന്നാണ് മുന്നറിയിപ്പ് നൽകിയിരിക്കുന്നത്. 

അതേസമയം കണ്ണൂർ ജില്ലയിൽ ഇന്നും നാളേയും ഉയർന്ന താപനില 38 ഡി​ഗ്രി സെൽഷ്യസ് വരെയും, ആലപ്പുഴ കോഴിക്കോട് ജില്ലകളിൽ 36 ഡി​ഗ്രി സെൽഷ്യസ് വരെയും(സാധാരണ നിലയേക്കാൾ 3 മുതൽ 4 ഡിത്രി സെൽഷ്യസ് വരെ കൂടുതൽ)താപനില ഉയരാൻ സാധ്യതയുണ്ടെന്ന് കേന്ദ്ര കാലവസ്ഥ വകുപ്പ് അറിയിച്ചു. 

ആസിഡ് കുപ്പി പൊട്ടി; സകൂൾ കുട്ടികൾക്ക് ദേഹാസ്വാസ്ഥ്യം

കോട്ടയം: സ്കൂൾ വളപ്പിൽ ആസിഡ് കുപ്പികൾ പൊട്ടിത്തെറിച്ചതിനെ തുടർന്ന് വിദ്യാർത്ഥികൾക്ക് ദേഹാസ്വസ്ഥ്യം.  കോട്ടയം ചാലുകുന്നിലെ പ്ലെ സ്കൂൾ കുട്ടികൾക്കാണ് ദേഹാസ്വാസ്ഥ്യമുണ്ടായത്. സമീപത്തെ പുരയിടത്തിൽ നിന്നും സ്കൂൾ വളപ്പിലേക്ക് ഇട്ട ആസിഡ് കുപ്പികളാണ് പൊട്ടിയത്.  8 കുട്ടികൾക്കാണ് ശ്വാസം മുട്ടലും തളർച്ചയും അനുഭവപ്പെട്ടത്. വെള്ളിയാഴ്ച  രാവിലെ 9.30 ഓടെയാണ് സംഭവം.

സ്കൂളിൻ്റെ അടുത്തുള്ള പുരയിടത്തിലാണ് ആസിഡ് കുപ്പി പൊട്ടിത്തെറിച്ചത്. ശാരീരിക ബുദ്ധിമുട്ടുള്ള കുട്ടികളെ സമീപത്തെ ആശുപത്രിയിൽ പ്രവേശിപ്പിച്ചു. ചൂട് കൂടിയതോടെ സ്കൂൾ വളപ്പിൽ നിന്ന്  ആസിഡ്  കുപ്പികൾ പൊട്ടി പുക ഉയരുകയായിരുന്നു. ഇതേ തുടർന്ന് കുട്ടികളിൽ പലർക്കും ദേഹാസ്വാസ്ഥ്യം ഉണ്ടായി.തുടർന്ന് അഗ്നിരക്ഷാസേനയും സ്ഥലത്തെത്തി. 
സമീപത്തെ പുരയിടം വ്യത്തിയാക്കിയപ്പോൾ ആസിഡ് കുപ്പി സ്കൂൾ വളപ്പിലേക്ക് തള്ളിയെന്നാണ് സ്കൂൾ അധികൃതർ പറയുന്നു. ആശുപത്രിയിൽ പ്രവേശിപ്പിച്ച കുട്ടികളുടെ  പ്രാഥമിക ചികിത്സയ്ക്ക് ശേഷം വീട്ടിലേക്ക് വിട്ടു.. സംഭത്തിൽ പോലീസ്  അന്വേഷണം ആരംഭിച്ചു.