ജനം ടിവി എം ഡി ജി കെ പിള്ള അന്തരിച്ചു

തിരുവനന്തപുരം:  ജനം ടി വി എംഡിയും സി ഇ ഒയുമായി ജി കെ പിള്ള അന്തരിച്ചു. 71 വയസായിരുന്നു. ഹൃദയാഘാതത്തെ തുടർന്ന് കോയമ്പത്തൂരിലെ സ്വകാര്യ ആശുപത്രിയിലായിരുന്നു അന്ത്യം.

മാനേജ് മെൻറ് വിദഗ്ധനും സാമൂഹിക പ്രവർത്തകനുമായ ജി കെ പിള്ള സേവാഭാരതി പാലക്കാട് ജില്ലാ പ്രസിഡന്റ്,ആർഎസ് എസ് പാലക്കാട് നഗർ സംഘചാലക് എന്നീ നിലകളിൽ പ്രവർത്തിച്ചു വരികയായിരുന്നു.

വാൽചന്ദ് നഗർ ഇൻഡസ്ട്രീസ് ലിമിറ്റഡിൻരെ മാനേജിംഗ് ഡയറക്ടറും സിഇഒയും ആയിരുന്നു.20202 മാർച്ചിൽ വിരമിച്ച ശേഷം ,ഇപ്പോൾ വാൽചന്ദ് നഗർ ഇൻഡസ്ട്രീസ് ലിമിറ്റഡിന്റെ ഡയറക്ടറും ഉപദേശകനുമാണ്.ഇന്ത്യയിലെ ഏറ്റവും വലിയ എഞ്ചിനീയറിംഗ് പൊതുമേഖലാ കമ്പനികലായ ഹെവി എഞ്ചിനീയറിംഗ് കോർപ്പറേഷൻ ലിമിറ്റഡ് റാഞ്ചി, എച്ച്എംടി മെഷീൻ ടൂൾസ് ലിമിറ്റഡ് ബാംഗ്ലൂർ എന്നിവയുടെ ചെയർമാൻ ഡയറക്ടർ എന്നീ നിലകളിൽ പ്രവർത്തിച്ചിട്ടുണ്ട്

യുഎസ് സംയുക്ത സംരംഭമായ ഫിഷർ സാൻമർ ലിമിറ്റഡിന്റെ ചെന്നൈയിലെ ചീഫ് എക്സിക്യൂട്ടീവായും പ്രവർത്തിച്ചിട്ടുണ്ട്. ദേശീയ അന്തർദേശീയ ഫോറങ്ങളിൽ ധാരാളം അവാർഡുകളും ലഭിച്ചിട്ടുണ്ട്.