Kannur University VC Controversy : കണ്ണൂർ വിസി നിയമന വിവാദം: ക്യാബിനറ്റിൽ ഗവർണറുടെ നിലപാടിനെ വിമർശിച്ച് മുഖ്യമന്ത്രി
ഡോ. ഗോപിനാഥ് രവീന്ദ്രന്റെ പുനർ നിയമനം സുതാര്യമാണെന്നും മുഖ്യമന്ത്രി മന്ത്രിസഭയിൽ വ്യക്തമാക്കി.
THiruvananthapuram : കണ്ണൂർ വിസി (Kannur VC) ഡോ. ഗോപിനാഥ് രവീന്ദ്രന്റെ നിയമനം വിവാദമാക്കിയ ഗവർണറുടെ (GOvernor) നിലപാടിന് പിന്നിൽ രാഷ്ട്രീയമുണ്ടെന്ന് മുഖ്യമന്ത്രി പിണറായി വിജയൻ വിമർശിച്ചു. ഡോ. ഗോപിനാഥ് രവീന്ദ്രന്റെ പുനർ നിയമനം സുതാര്യമാണെന്നും മുഖ്യമന്ത്രി മന്ത്രിസഭയിൽ വ്യക്തമാക്കി. മന്ത്രിസഭാ യോഗത്തിലാണ് ഗവർണർക്കെതിരെ വിമർശനവുമായി മുഖ്യമന്ത്രി എത്തിയത്.
ഇന്ന് പ്രോഫ. ഗോപിനാഥ് രവീന്ദ്രന് കണ്ണൂർ സർവകലാശാല വൈസ് ചാൻസിലറായി (Kannur Univerisity VC) തുടരാനുള്ള സർക്കാർ തീരുമാനം ഹൈക്കോടതി ശരിവെച്ചിരുന്നു. കേരളത്തിലെ യൂണിവേഴ്സിറ്റികളിലെ വിസി നിയമനത്തിൽ സംസ്ഥാന സർക്കാരും ഗവർണറും തമ്മിൽ ഇടഞ്ഞ് നിൽക്കുന്ന വേളയിലാണ് പിണറായി വിജയൻ സർക്കാരിന് ആശ്വാസമായി ഹൈക്കോടതിയുടെ വിധി വന്നത്.
നിയമനത്തിനെതിരായ ഹർജി ഹൈക്കോടതി തള്ളിയതോടെ ഗവർണർക്കും പ്രതിപക്ഷത്തിനും മറുപടി നല്കാൻ ഒരുങ്ങുകയാണ് സിപിഎം. ഗോപിനാഥ് രവീന്ദ്രനെ കണ്ണുർ യൂണിവേഴ്സിറ്റിയുടെ വിസി സ്ഥാനത്ത് നീക്കണമെന്നാവശ്യപ്പെട്ട് സർവകലാശാല സെനറ്റ് അംഗം പ്രേമചന്ദ്രൻ കീഴോത്ത്, അക്കാദമിക് കൗൺസിൽ അംഗം ഷിനോ പി ജോസ് എന്നിവരടങ്ങുന്ന സേവ് യൂണിവേഴ്സിറ്റി ക്യാമ്പയിനാണ് ഹൈക്കോടതിയിൽ ഹർജി സമർപ്പിച്ചത്. എന്നാൽ സിംഗിൾ ബഞ്ച് കോടതി ജസ്റ്റിസ് അമിത് റാവൽ ഹർജി തള്ളുകയായിരുന്നു.
വിസിയുടെ പ്രായപരിധി അടക്കമുള്ള വിഷയങ്ങൾ നിലനിൽക്കുന്നില്ല എന്ന് ചൂണിക്കാട്ടി കോടതി ഹർജി ഫയലിൽ പോലും സ്വീകരിക്കാതെ തള്ളുകയായിരുന്നു. എന്നാൽ ഇതിനെതിരെ ഡിവിഷൻ ബഞ്ചിനെ സമീപിക്കുമെന്ന് ഹർജിക്കാർ അറിയിച്ചു. ഡിസംബർ രണ്ട് നടന്ന് വാദത്തിന് ശേഷം ഇന്ന് വിധി പറയാൻ തീരുമാനിക്കുകയായിരുന്നു കോടതി.
ഗവർണർ നേരത്തെ ഗോപിനാഥ് രവീന്ദ്രന്റെ പുനർനിമയനം ശരിവെച്ചുകൊണ്ടു ഉപ്പിട്ടിരുന്നു. എന്നാൽ മറ്റ് യൂണിവേഴ്സിറ്റികളിൽ നിയമനങ്ങൾ രാഷ്ട്രീയ ഇടപെടലുണ്ടെന്ന് അരോപിച്ച് ഗവർണർ രംഗത്തെത്തിയപ്പോൾ കണ്ണൂരിലെ നിയമനം സമ്മർദം കൊണ്ടാണ് ഒപ്പിട്ടതെന്ന് പരസ്യമായി പ്രതികരിക്കുകയും ചെയ്തു. തുടർന്ന് തനിക്ക് യൂണിവേഴ്സിറ്റികളുടെ ചാൻസിലർ സ്ഥാനത്ത് തുടരാൻ താൽപര്യമില്ലെന്ന് അറിയിച്ചുകൊണ്ട് ഗവർണർ മുഖ്യമന്ത്രിക്ക് കത്തയിക്കുകയും ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക