Drown Death : പാടത്തെ വെള്ളക്കെട്ടിൽ കളിക്കാനിറങ്ങിയ പ്ലസ് ടു വിദ്യാർഥി മുങ്ങിമരിച്ചു

കൊച്ചി : ആലുവ മുപ്പത്തടം എടയാറ്റുചാലിൽ മഴ പെയ്തു നിറഞ്ഞ വെള്ളക്കെട്ടിൽ കളിക്കാനിറങ്ങിയ വിദ്യാർഥി മുങ്ങിമരിച്ചു. എരമം വെട്ടുകാട് നാലോടിപ്പറമ്പിൽ സജീവന്റെ മകൻ ആദിത്യനാണ് (17) മരിച്ചത്. പ്ലസ് ടു വിദ്യാർഥിയാണ്

മെയ് 19 വ്യാഴാഴ്ച ഉച്ചയ്ക്കു ശേഷമാണ് ആദിത്യൻ പാടത്തേക്കിറങ്ങിയത്. കൂട്ടുകാർ കൊപ്പം നീന്തിക്കൊണ്ടിരിക്കെ താണുപോയ ആദിത്യനെ നാട്ടുകാർ കാരോത്തുകുഴി ആശുപത്രിയിൽ എത്തിച്ചെങ്കിലും അതിനു മുമ്പെ ആദിത്യൻ മരിച്ചിരുന്നു. 

അച്ഛൻ സജീവൻ കല്പണിക്കാരനാണ്. അമ്മ ലത. കൃഷ്ണവേണി ഏക സഹോദരിയാണ്. ഈ പാടത്ത് കുട്ടികൾ മീൻ പിടിക്കാനും കളിക്കാനും മറ്റും എത്താറുണ്ട്. പുഴയിലിറങ്ങി താമസിയാതെ കുട്ടി ചെളിയിലേക്ക് പൂണ്ടു പോകുകയായിരുന്നു.