Kerala SSLC Result: എസ്എസ്എൽസി ഫലത്തിനായി കാത്തിരിക്കുകയാണോ? ഇനി വെറും 5 നാൾ
Kerala SSLC Result: ഓൺലൈനായും അല്ലാതെയും വിദ്യാർത്ഥികൾക്ക് എസ്എസ്എൽസി ഫലം പരിശോധിക്കാൻ സാധിക്കും. അതിനുള്ള സൗകര്യങ്ങൾ ലഭ്യമാണ്.
തിരുവനന്തപുരം: എസ്എസ്എൽസി ഫലം മെയ് 20ന് പ്രഖ്യാപിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി. 25ാം തിയതി ഹയർ സെക്കൻഡറി ഫലവും പ്രഖ്യാപിക്കും. സിബിഎസ്ഇ പത്ത്, പന്ത്രണ്ട് ക്ലാസ് ഫലം പുറത്തുവന്നതിന് പിന്നാലെ ഐസിഎസ്ഇ, ഐ എസ് സി പരീക്ഷകളുടെ ഫലവും പ്രഖ്യാപിച്ചിരുന്നു. ഇതിനെ തുടർന്ന് എസ്എസ്എൽസി വിദ്യാർത്ഥികൾ തങ്ങളുടെ റിസൾട്ട് വരുന്നത് പ്രതീക്ഷിച്ചിരിക്കുകയാണ്. മെയ് 20ന് ഫലം പ്രഖ്യാപിക്കുമെന്ന് വിദ്യാഭ്യാസ വകുപ്പ് മന്ത്രി വി ശിവൻകുട്ടി നേരത്തെ അറിയിച്ചിരുന്നു. മെയ് 25 ഹയർ സക്കൻഡറി വിഭാഗത്തിന്റെയും ഫലവും പ്രഖ്യാപിക്കുന്നതാണ്. ഇപ്പോൾ ഇക്കാര്യം ഒന്നുകൂടി ഉറപ്പിച്ചിരിക്കുകയാണ്.
5,42,960 വിദ്യാർഥികളാണ് പരീക്ഷയെഴുതി ഫലത്തിനായി കാത്തിരിക്കുന്നത്. 4,42,067 വിദ്യാർഥികളാണ് പ്ലസ് ടു പരീക്ഷ എഴുതിയത്. പരീക്ഷ എഴുതുന്നതിൽ 57.20 ശതമാനം പേർ ഇംഗ്ലീഷ് മീഡിയം വിദ്യാർത്ഥികളാണ്. 2,960 പരീക്ഷാ സെന്ററുകളാണുണ്ടായിരുന്നത്. സർക്കാർ മേഖലയിൽ 1,170 സെന്ററുകളും എയിഡഡ് മേഖലയിൽ 1,421 സെന്ററുകളും അൺ എയിഡഡ് മേഖലയിൽ 369 പരീക്ഷ സെന്ററുകളുമടക്കം ആകെ 2,960 പരീക്ഷാ സെന്ററുകളുമാണ് ഉണ്ടായിരുന്നത്. ഗൾഫിൽ നിന്നും 518 വിദ്യാർത്ഥികളും ലക്ഷദ്വീപിൽ ഒമ്പത് സ്‌കൂളുകളിലായി 289 വിദ്യാർത്ഥികളും പരീക്ഷയെഴുതി. ഹയർ സെക്കണ്ടറി പരീക്ഷയ്ക്കായി 2023 പരീക്ഷാ കേന്ദ്രങ്ങളാണ് ഒരുക്കിയിരുന്നത്.
ALso Read: ICSE, ISC Result 2023 : ഐസിഎസ്ഇ, ഐ എസ് സി പരീക്ഷ ഫലങ്ങൾ പ്രഖ്യാപിച്ചു
എസ്എസ്എൽസി ഫലങ്ങൾ എവിടെ അറിയാം?
1. www.prd.kerala.gov.in
2. result.kerala.gov.in
3. examresults.kerala.gov.in
4. https://pareekshabhavan.kerala.gov.in
5. https://sslcexam.kerala.gov.in
6. https://results.kite.kerala.gov.in
കൂടാതെ ടെക്നിക്കൽ എസ്എസ്എൽസി പരീക്ഷകളുടെ ഫലം അതാത് വെബ്സൈറ്റിലൂടെ ലഭിക്കുന്നതാണ്.
SSLC (HI)- http://sslchiexam.kerala.gov.in
THSLC (HI)- http:/thslchiexam.kerala.gov.in
THSLC - http://thslcexam.kerala.gov.in
AHSLC - http://ahslcexam.kerala.gov.in
എസ്എംഎസ് വഴി എസ്എസ്എൽസി ഫലം എങ്ങനെ പരിശോധിക്കാം?
ഓൺലൈനായി ഫലം പരിശോധിക്കാൻ കഴിയാത്ത വിദ്യാർത്ഥികൾക്ക് എസ്എംഎസ് വഴി ഫലം പരിശോധിക്കാൻ സാധിക്കും. എസ്എംഎസ് അയയ്ക്കേണ്ടത് എങ്ങനെ?
കേരളം10രജിസ്ട്രേഷൻ നമ്പർ എന്ന് ടൈപ്പ് ചെയ്ത് 56263 എന്ന നമ്പരിലേക്ക് അയയ്ക്കുക.
ഫലം മൊബൈൽ ആപ്പ് വഴി എങ്ങനെ ലഭിക്കും?
ഗൂഗിൾ പ്ലേ സ്റ്റോറിൽ നിന്ന് സഫലം എന്ന ആപ്പ് ഡൗൺലോഡ് ചെയ്യുക.
ഫലം പരിശോധിക്കാനായി നിങ്ങളുടെ രജിസ്റ്റർ നമ്പറും ജനനത്തീയതിയും നൽകുക.
നിങ്ങൾ നൽകിയ വിശദാംശങ്ങൾ ശരിയാണെങ്കിൽ അടുത്ത വിൻഡോയിൽ നിങ്ങളുടെ ഫലം കാണാൻ സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...