Kerala Rain Alert: ചൂടിന് ആശ്വാസം മഴ വരുന്നു, 12 ജില്ലകൾക്ക് അറിയിപ്പ്

തിരുവനന്തപുരം: കൊടും ചൂടിൽ വലയുന്ന കേരളത്തിന് തെല്ല് ആശ്വാസം. വേനൽ മഴ ഉടൻ എത്തുമെന്ന് കാലാവസ്ഥ നിരീക്ഷണ കേന്ദ്രത്തിൻറെ അറിയിപ്പ്. 10 ജില്ലകൾക്കാണ് വ്യാഴാഴ്ച മഴ മുന്നറിയിപ്പ് നൽകിയിരിക്കുന്നത്. വെള്ളിയാഴ്ച 12 ജില്ലകളിലും മഴയ്ക്ക് സാധ്യതയുണ്ട്.

വിശദമായി നോക്കിയാൽ പത്തനംതിട്ട, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് വ്യാഴാഴ്ച മഴ സാധ്യത പ്രവചനം. വെള്ളിയാഴ്ച പത്തനംതിട്ട, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകൾക്ക് പുറമെ കോട്ടയത്തും, കൊല്ലത്തും മഴയ്ക്ക് സാധ്യതയുണ്ട്. അതേസമയം തിരുവനന്തപുരം, കൊല്ലം ജില്ലകളിൽ മഴ സാധ്യത പ്രവചനമില്ല.

39 ഡിഗ്രി വരെ ചൂട്

മഴയ്ക്ക് പുറമെ സംസ്ഥാനത്ത് ഉയർന്ന താപനില മുന്നറിയിപ്പും കാലാവസ്ഥ നിരീക്ഷണ കേന്ദ്രം നൽകിയിട്ടുണ്ട്. യെല്ലോ അലർട്ടാണ് പ്രഖ്യാപിച്ചിരിക്കുന്നത്. കൊല്ലം, ആലപ്പുഴ, പത്തനംതിട്ട എന്നീ ജില്ലകളില്‍ 38°C വരെയും കോട്ടയം, തൃശ്ശൂര്‍ എന്നീ ജില്ലകളില്‍ 37°C വരെയും തിരുവനന്തപുരം, എറണാകുളം, കണ്ണൂര്‍, കോഴിക്കോട് എന്നി ജില്ലകളില്‍ 36°C വരെയും ചൂട് ഉയരും ഇതിന് പുറമെ പാലക്കാട് 39°C വരെയാണ് ചൂട് ഉയരാൻ സാധ്യതയുള്ളത്.