Vande Bharath in Kerala: കേരളത്തിന്റെ മൂന്നാമത്തെ വന്ദേഭാരത് ഉടൻ സർവ്വീസ് ആരംഭിക്കും

കൊച്ചി: കേരളത്തിന് കേന്ദ്രം അനുവധിച്ച മൂന്നാമത്തെ വന്ദേ ഭാരത് ഉടൻ സർവ്വീസ് ആരംഭിക്കുമെന്ന് റിപ്പോർട്ട്.  മൂന്നാം വന്ദേ ഭാരത് റേക്ക് കൊല്ലത്ത് എത്തിയിട്ട് ആഴ്ചകൾ കഴിഞ്ഞെങ്കിലും സർവ്വീസ് ഇനിയും ആരംഭിച്ചിട്ടില്ല. തെരഞ്ഞെടുപ്പ് പെരുമാറ്റച്ചട്ടം നിലനിന്നിരുന്ന സാഹചര്യത്തിൽ ഫ്ലാഗ് ഓഫ് ചടങ്ങ് നടത്താൻ സാധിക്കില്ല എന്നുള്ളതായിരുന്നു ഇതിൽ പ്രധാനമായും ഉയർത്തിക്കാട്ടിയത്. തെരഞ്ഞെടുപ്പ് ഫലപ്ര്യാപനം കഴിഞ്ഞ് പുതിയ സർക്കാർ അധികാരമേൽക്കാനൊരുങ്ങുന്ന സാഹചര്യത്തിൽ ഇക്കാര്യത്തിൽ ഉടൻ തീരുമാനം ഉണ്ടാകുമെന്നാണ് പ്രതീക്ഷ.

മുൻ റിപ്പോർട്ടുകൾ പ്രകാരം എറണാകുളം - ബെംഗളൂരു റൂട്ടിൽ തന്നെയാകും പുതിയ വന്ദേ ഭാരതും സർവ്വീസ് നടത്തുക. മറ്റുപല റൂട്ടുകളും  ഇത്തവണ ചർച്ചയായിരുന്നെങ്കിലും എറണാകുളം - ബെംഗളൂരുവിന് തന്നെയാണ് മുൻ തൂക്കം കൂടുതൽ. റെയില്‍വേയുടെ ഭാഗത്ത് നിന്ന് എറണാകുളം - ബെംഗളൂരു സര്‍വീസിനെക്കുറിച്ച് ഔദ്യോഗിക സ്ഥിരീകരണം നല്‍കിയിട്ടില്ല. ഈ സർവ്വീസ് ആരംഭിക്കുന്നതിലൂടെ കേരളത്തിൽ നിന്നുമുള്ള യാകത്രക്കാർക്ക് മാത്രമല്ല കർണാടകക്കാർക്കും ​ഗുണം ലഭിക്കും. അതേസമയം മൂന്നാം മോദി സർക്കാർ ശനിയാഴ്ച്ച സത്യപ്രതിജ്ഞ ചെയ്ത് അധികാരമേൽക്കുമെന്ന് നേരത്തെ വാർത്തകൾ വന്നിരുന്നുവെങ്കിലും ഇപ്പോൾ ഞായറാഴ്ച്ചയിലേക്ക് മാറ്റിയേക്കും എന്ന തരത്തിലും വാർത്തകൾ എത്തുന്നുണ്ട്.