Kurichi Pocso Case| കുറിച്ചിയിൽ പീഢനത്തിനിരയായ കുട്ടിയുടെ പിതാവ് മരിച്ച നിലയിൽ

കോട്ടയം: കുറിച്ചിയിൽ പീഢനത്തിനിരയായ 10 വയസ്സുകാരിയുടെ പിതാവ് മരിച്ച നിലയിൽ. സംഭവത്തിലുള്ള മാനസിക വിഷമം മൂലം ആത്മഹത്യ ചെയ്തതാവാമെന്നാണ് പോലീസിൻറെ നിഗമനം.

കേസിൽ കുട്ടിയെ പീഢനത്തിനിരയാക്കിയ 74 വയസ്സുകാരനെ ചിങ്ങവനം പോലീസ് അറസ്റ്റ് ചെയ്തിരുന്നു. കുറിച്ചി സ്വദേശി യോഗി ദാസനാണ് അറസ്റ്റിലായത്. ഇയാൾ പ്രദേശത്ത് പലചരക്ക് കട നടത്തുന്നയാളാണ്.

പ്രതി നിലവിൽ റിമാൻഡിലാണ്. കുട്ടി കടയിൽ സാധനം വാങ്ങാൻ എത്തിയിരുന്നപ്പോഴാണ് പീഢനം നടത്തിയിരുന്നതെന്നാണ് സൂചന. കഴിഞ്ഞ ജൂൺ മുതൽ ഇത്തരത്തിൽ പീഢനം നടക്കുന്നുണ്ടെന്നാണ് കണ്ടെത്തൽ.

കുട്ടിയുടെ പെരുമാറ്റത്തിൽ അസ്വഭാവികത ശ്രദ്ധയിൽപ്പെട്ട രക്ഷിതാക്കളാണ് കുഞ്ഞിനോട് വിവരം ചോദിച്ചത്. തുടർന്ന് പോലീസിൽ പരാതിപ്പെടുകയായിരുന്നു. കേസിൽ ചിങ്ങവനം പോലീസ് കൂടുതൽ അന്വേഷണം നടത്തി വരികയാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy