Robbery Case: തിരുവനന്തപുരത്ത് വില്ലയിൽ വൻ മോഷണം; 50 പവനോളം സ്വർണ്ണം കവർന്നതായി പരാതി
വീടിൻ്റെ അടുക്കള ഭാഗത്തെ ഗ്ലാസ് ജനാല തുറന്നാണ് മോഷ്ടാവ് അകത്തു കയറിയത്. അതീവ സുരക്ഷയിലാണ് വില്ല സ്ഥിതി ചെയ്യുന്നത് . മൊത്തം 42 വില്ലകളാണ് ഉള്ളത്.
മംഗലപുരം: തിരുവനന്തപുരം മംഗലപുരത്ത് വില്ലയിൽ കവർച്ച. 50 പവനോളം സ്വർണ്ണം കവർന്നതായി പരാതി. മംഗലപുരം നെല്ലിമൂടിലെ അണ്ടർ ദ ബ്ലൂ വില്ല പ്രോജക്ടിലെ ഐ ക്ലൗഡ് ഹോംസിലാണ് കവർച്ച നടന്നത്. കൊല്ലം സ്വദേശി ഷിജിയുടെ C 12 നമ്പരുള്ള വില്ലയിലാണ് അൻപത് പവനോളം സ്വർണ്ണം കവർന്നത്. ആയൂർ സ്വദേശിയായ ഇവർ വലപ്പോഴും മാത്രമെ വില്ലയിൽ എത്താറുള്ളൂ. .ഇന്നലെ ഉച്ചയ്ക്ക് വില്ലയിൽ മടങ്ങിയെത്തിയപ്പോഴാണ് കവർച്ച ശ്രദ്ധയിൽപ്പെട്ടത്.
വീടിൻ്റെ അടുക്കള ഭാഗത്തെ ഗ്ലാസ് ജനാല തുറന്നാണ് മോഷ്ടാവ് അകത്തു കയറിയത്. അതീവ സുരക്ഷയിലാണ് വില്ല സ്ഥിതി ചെയ്യുന്നത് . മൊത്തം 42 വില്ലകളാണ് ഉള്ളത്. മംഗലപുരം പോലീസും വിരലടയാള വിദഗ്ധരും, ഡോഗ് സ്കോഡും സ്ഥലത്ത് പരിശോധ നടത്തി.അതീവ സുരക്ഷയുള്ള വില്ലയിൽ മോഷണം നടന്നത് പോലീസിനെ ഞെട്ടിച്ചു. സുരക്ഷാ കവാടത്തിന് പുറമെ രാത്രിയും പകലും സുരക്ഷാ ഉദ്യോഗസ്ഥരും നിരവധി സിസി ക്യാമറകളും ഉള്ള സ്ഥലത്ത് എങ്ങനെ കവർച്ച നടന്നു എന്നതാണ് പോലീസിനെ കുഴക്കുന്നത്. അതുകൊണ്ട് തന്നെ കവർച്ച നടന്ന വീട്ടുകാരുമായി ബന്ധപ്പെട്ട ആളുകളെ ചുറ്റിപ്പറ്റിയാണ് പോലീസിൻറെ അന്വേഷണം.സ്ഥലത്തെ സിസിടിവി ക്യാമറകൾ പോലീസ് പരിശോധിച്ചു വരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.