Munnar Land Acquisition : മൂന്നാർ ദൗത്യം; മൂന്നാർ കേറ്ററിങ് കോളേജ് കൈയ്യേറിയ ഏഴ് ഏക്കർ സ്ഥലം ഒഴുപ്പിച്ചു

മൂന്നാർ : ചിന്നക്കനാലിൽ സ്വകാര്യ കോളേജ് കൈയ്യേറിയ ഏഴ് ഏക്കറിലധികം സ്ഥലം ഇടുക്കി ജില്ല ഭരണകൂടം ഒഴുപ്പിച്ചു. മൂന്നാർ കേറ്ററിങ് കോളദിന്റെ ഭാഗമായി ടിസിൻ തച്ചങ്കരി കൈവശം വെച്ചിരുന്നു ഭൂമിയാണ് ഒഴിപ്പിച്ചത്. മൂന്നാർ ദൗത്യത്തിൽ വൻകിടക്കാർക്ക് നേരെ നടപടി സ്വികരിക്കുന്നില്ല എന്നാരോപണം ഉയരുന്നതിനിടെയാണ് എഡിജിപി ടോമിൻ തച്ചങ്കരിയുടെ സഹോദരൻ ടിസിൻ തച്ചങ്കരി കൈവശം വെച്ചിരുന്ന ഭൂമി ഏറ്റെടുത്തത്.

ആകെ ഏഴ് ഏക്കർ ഏഴ് സെന്റ് ഭൂമിയാണ് മൂന്നാർ കേറ്ററിങ് കോളേജിന്റെ ഭാഗമായി ഇവിടെ കൈയേറിയിരുന്നത്. കോളേജിന്റെ വിദ്യാർഥികൾ താമസിക്കുന്ന ഹോസ്റ്റൽ ഈ കൈയ്യേറിയ ഭൂമിയിലാണ് പ്രവർത്തിക്കുന്നത്. ഹോസ്റ്റൽ ഒഴിയാൻ 30 ദിവസത്തെ സാവകാശം ഭരണകൂടം നൽകി.

അതേ സമയം ഒഴിപ്പിക്കൽ നടപടികൾ നടക്കുന്നിടത്തേക്ക് ജനപ്രതിനിധികളെയും മാധ്യമങ്ങളെയും പ്രവേശിപ്പിക്കാത്തത്തിൽ ദുരുഹത ഉണ്ടെന്ന് ചിന്നക്കനാൽ ആരോപിച്ചുകൊണ്ട് പഞ്ചായത്ത്‌ പ്രസിഡന്റ് രംഗത്തെത്തി. മൂന്ന് ദിവസങ്ങളിലായി ചിന്നക്കനാൽ വില്ലേജിലെ 14 ഏക്കർ 82 സെന്റ് ഭൂമിയാണ് ഒഴുപ്പിച്ചത്. ആനവിരട്ടി, പള്ളിവാസൽ വിളേജുകളിലും ഓരോ  കൈയേറ്റം ഒഴുപ്പിച്ചിരുന്നു.