Rahul Mamkootathil : രാഹുൽ മാങ്കൂട്ടത്തിലിന് ജാമ്യമില്ല; കോടതി റിമാൻഡ് ചെയ്തു

തിരുവനന്തപുരം : യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ ജയിലിലേക്ക്. സെക്രട്ടേറിയേറ്റ് മാർച്ച് അക്രമണ കേസിൽ അറസ്റ്റിലായ രാഹുലിന്റെ ജാമ്യാപേക്ഷ വഞ്ചിയൂർ കോടതി തള്ളി. രണ്ടാഴ്ചത്തേക്കാണ് കോടതി യൂത്ത് കോൺഗ്രസ് അധ്യക്ഷനെ റിമൻഡ് ചെയ്തത്. ജനുവരി 22 വരെയാണ് റിമാൻഡ് കാലാവധി. രാഹുൽ മാങ്കൂട്ടത്തലിനെ പൂജപ്പുര ജയിലേക്ക് മാറ്റും. കേസിൽ 31 പ്രതികളാണ് ഉണ്ടായിരുന്നത്. അതിൽ 27 പേർക്കും ജാമ്യം ലഭിച്ചിരുന്നു. 

ആരോഗ്യ പ്രശ്നങ്ങളെ മുൻനിർത്തി രാഹുലിന്റെ അഭിഭാഷകൻ ജാമ്യപേക്ഷ സമർപ്പിച്ചത്. എന്നിൽ നിലവിൽ യൂത്ത് കോൺഗ്രസ് സംസ്ഥാന അധ്യക്ഷൻ കാര്യമായ ആരോഗ്യ പ്രശ്നങ്ങൾ ഇല്ലെന്ന് ഡോക്ടർമാർ മെഡിക്കൽ റിപ്പോർട്ടിൽ കുറിച്ചു. ഇതെ തുടർന്നാണ് കോടതി രാഹുലിന് ജാമ്യം നിൽഷേധിച്ചത്. 

അത് നാടകീയമായി ഇന്ന് പുലർച്ചെ പത്തനംതിട്ടയിലെ വീട്ടിലെത്തിയാണ് പോലീസ് രാഹുലിനെ അറസ്റ്റ് ചെയ്തത്. കൻറോൺമെൻറ് പോലീസാണ് അറസ്റ്റ് രേഖപ്പെടുത്തിയത്. നേരത്തെ മുതിർന്ന നേതാക്കളെ അടക്കം പ്രതി ചേർത്ത് അറസ്റ്റ് ചെയ്തിരുന്നു. യൂത്ത് കോൺഗ്രസ് അധ്യക്ഷന്റെ അറസ്റ്റിൽ സംസ്ഥാന വ്യാപക പ്രതിഷേധമാണ് നടക്കുന്നത്.