Maoist Lijeesh| കീഴടങ്ങിയ മാവോയിസ്റ്റിന് വീടും തൊഴില്‍അവസരവും സ്റ്റെപ്പെന്റും നല്‍കാന്‍ ശുപാര്‍ശ
സംസ്ഥാന സർക്കാർ 2018 ല്‍ പുറപ്പെടുവിച്ച പ്രത്യേക പാക്കേജിന്റെ അടിസ്ഥാനത്തിലാണ് പുതിയ സഹായങ്ങൾ ഏർപ്പെടുത്തിയിരിക്കുന്നത്
സുൽത്താൻ ബത്തേരി: കഴിഞ്ഞമാസം വയനാട്ടില്‍ കീഴടങ്ങിയ മാവോയിസ്റ്റ് ലിജേഷിന് സംസ്ഥാന സർക്കാരിൻറെ പുനരധിവാസ പാക്കേജ്. വീടും തൊഴിലവസരങ്ങളും സ്റ്റെപ്പെന്റും മറ്റ് ജീവനോപാധികളും നൽകാൻ നല്‍കാന്‍ ജില്ലാ കളക്ടറുടെ പുനരധിവാസ സമിതി ശുപാര്‍ശ ചെയ്തു.
സംസ്ഥാന സർക്കാർ 2018 ല്‍ പുറപ്പെടുവിച്ച പ്രത്യേക പാക്കേജിന്റെ അടിസ്ഥാനത്തിലാണ് പുതിയ സഹായങ്ങൾ ഏർപ്പെടുത്തിയിരിക്കുന്നത്. ഇതനുസരിച്ച് സായുധ സമരം ഉപേക്ഷിച്ച് മുഖ്യധാരയിലേയ്ക്ക് വരുന്ന മാവോയിസ്റ്റുകള്‍ ഉള്‍പ്പെട്ട കേസുകളില്‍ ഉദാരമായ സമീപനം സ്വീകരിക്കും.
വയനാട് ജില്ലയിലെ കാടുകളില്‍ പ്രവര്‍ത്തിക്കുന്ന മാവോയിസ്റ്റ് സംഘാംഗങ്ങള്‍ സായുധസമരത്തിന്റെ പാത ഉപേക്ഷിച്ച് സമൂഹത്തിന്റെ മുഖ്യധാരയിലേയ്ക്ക് തിരിച്ചുവരണമെന്ന് വയനാട് ജില്ലാ പോലീസ് മേധാവി അരവിന്ദ് . സുകുമാര്‍ അഭ്യര്‍ത്ഥിച്ചു.
താല്‍പര്യമുള്ള മാവോയിസ്റ്റുകള്‍ക്ക് ജില്ലാ പോലീസ് മേധാവിയേയോ ഏതെങ്കിലും സര്‍ക്കാര്‍ ഓഫീസുകളേയോ തദ്ദേശസ്വയംഭരണസ്ഥാപനങ്ങളേയോ ബന്ധപ്പെടാം. ഇങ്ങനെ തിരിച്ചെത്തുന്നവര്‍ക്ക് സര്‍ക്കാര്‍ പ്രഖ്യാപിച്ച പാക്കേജിന്റെ ആനുകൂല്യങ്ങള്‍ ലഭിക്കുമെന്നും അദ്ദേഹം പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
ios Link - https://apple.co/3hEw2hy