Oyoor Kidnapping: ഓയൂരിൽ ആറ് വയസ്സുകാരിയെ തട്ടിക്കൊണ്ട് പോയതായി പരാതി

കൊല്ലം: ഓയൂരിൽ ആറ് വയസ്സുകാരിയെ തട്ടിക്കൊണ്ട് പോയതായി പരാതി. ഓയൂർ ഓട്ട് മല ഭാഗത്തു നിന്നുമാണ് കുട്ടിയെ തട്ടിക്കൊണ്ട് പോയത്. സഹോദരനുമൊപ്പം ട്യൂഷനു പോയ കുട്ടിയെ ആണ് കാറിലെത്തിയ സംഘം തട്ടിക്കൊണ്ട് പോയത്. വെള്ള നിറമുള്ള ഹോണ്ട കാറിലാണ് സംഘം എത്തിയത്.

ഓയൂർ സ്വദേശി റെജിയുടെ മകക്ഷ അബിഗേൽ സാറ റെജിയെയാണ് തട്ടിക്കൊണ്ട് പോയത്. കൊല്ലം പൂയപ്പള്ളി പോലീസ് കേസിൽ അന്വേഷണം ആരംഭിച്ചു. നാലുപേരാണ് കാറിലെത്തിയതെന്നും അമ്മക്ക് കൊടുക്കാനായി ഒരു പേപ്പർ കൊടുക്കാൻ നീട്ടിയെന്നും ഇല്ലെന്ന് പറഞ്ഞപ്പോൾ കുട്ടിയെ വലിച്ചിടുകയുമായിരുന്നെന്ന് അനിയൻ പറയുന്നു. ഒരു സ്ത്രീയും കാറിലുണ്ടായിരുന്നെന്നാണ് അനിയൻ പറയുന്നത്.