Vande Bharat Kerala : വന്ദേ ഭാരതിൽ വി.കെ ശ്രീകണ്ഠൻ എംപിയുടെ പോസ്റ്റർ; ആർപിഎഫ് കേസെടുത്തു
Vande Bharat VK Sreekandan Poster : ഷൊർണ്ണൂരിൽ വന്ദേ ഭാരതിന് സ്റ്റോപ്പ് അനുവദിച്ചതിന് കോൺഗ്രസ് എംപിക്ക് അഭിവാദ്യം അറിയിച്ചുകൊണ്ടാണ് പ്രവർത്തകർ ട്രെയിന്റെ മുകളിൽ പോസ്റ്റർ ഒട്ടിച്ചത്
VK Sreekandan MP Poster on Vande Bharat Train : വന്ദേ ഭാരത് എക്സ്പ്രസ് ട്രെയിനിൽ പാലക്കാട് എംപി വി.കെ ശ്രീകണ്ഠന്റെ ചിത്രം പതിപ്പിച്ച സംഭവത്തിൽ റെയിൽലെ പ്രൊട്ടക്ഷൻ ഫോഴ്സ് (റെയിൽവെ പോലീസ്) കേസെടുത്തു. യുവ മോർച്ച നൽകി പരാതിയുടെ അടിസ്ഥാനത്തിലാണ് ഷൊർണൂർ ആർപിഎഫ് കേസെടുത്തിരിക്കുന്നത്. വന്ദേ ഭാരത് ട്രെയിന്റെ ഉദ്ഘാടന സർവീസ് ഷൊർണ്ണൂരിൽ എത്തിയപ്പോൾ കോൺഗ്രസ് പ്രവർത്തകർ പാലക്കാട് എംപി അഭിവാദ്യം അറിയിച്ചുകൊണ്ട് പോസ്റ്റർ പതിപ്പിക്കുകയായിരുന്നു.
വന്ദേ ഭാരതിന് ഷൊർണ്ണൂരിൽ സ്റ്റേപ്പ് അനുവദിക്കാൻ റെയിൽവെ സമ്മർദ്ദം ചെലുത്തിയതിനാണ് വി.കെ ശ്രീകണ്ഠൻ അഭിവാദ്യം അറിയിച്ചുകൊണ്ടുള്ള പോസ്റ്റർ കോൺഗ്രസ് പ്രവർത്തകർ വന്ദേ ഭാരതിൽ ഒട്ടിച്ചത്. മഴയെ തുടർന്ന് നനഞ്ഞ കോച്ചിന്റെ മുകളിൽ കോൺഗ്രസ് പ്രവർത്തകർ പോസ്റ്റർ ഒട്ടിക്കുകയായിരുന്നു. തുടർന്ന് പോസ്റ്റർ ഒട്ടിച്ചിരിക്കുന്ന ചിത്രങ്ങൾ സമൂഹ മാധ്യമങ്ങളിൽ വൈറലാകുകയും കോൺഗ്രസ് എംപിക്കെതിരെ രൂക്ഷ വിമർശനം ഉയരുകയും ചെയ്തു.
പോസ്റ്റർ പിന്നീട് ആർപിഎഫുകാർ നീക്കം ചെയ്തു. പൊതുമുതൽ നശപ്പിച്ചതിന് കോൺഗ്രസ് പ്രവർത്തകർക്കെതിരെ കേസെടുക്കണമെന്നാണ് ബിജെപി യുവമോർച്ച നേതാക്കൾ ആർപിഎഫിനോട് ആവശ്യപ്പെട്ടിരിക്കുന്നത്. യുവമോർച്ചയുടെ പരാതിയിന്മേൽ ആർപിഎഫ് കേസെടുത്ത് അന്വേഷണം ആരംഭിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...