Viral Video: ഓംലെറ്റ് ഒന്ന് മറിച്ചിട്ടതാ, പിന്നെ സംഭവിച്ചത് ഇതാണ്

ഓംലെറ്റ് ഇഷ്ടമല്ലാത്തവരായി ആരാണല്ലേ ഉള്ളത്... ഒരുവിധം എല്ലാവർക്കും ഇഷ്ടമായിരിക്കും ഈ ഭക്ഷണം. പെട്ടെന്ന് ഉണ്ടാക്കാൻ സാധിക്കുന്നതും അത്യാവശ്യം വിശപ്പടക്കാൻ സഹായിക്കുന്നതുമാണ് ഓംലെറ്റ്. തട്ടുകടകളിൽ പോയും അല്ലാതെ മറ്റ് ഹോട്ടലുകളിൽ പോകുമ്പോഴുമൊക്കെ നമ്മൾ പലപ്പോഴും ഓർഡർ ചെയ്ത് കഴിക്കാറുണ്ട് ഇത്. ഇത് ഹോട്ടലുകളിലും ഉണ്ടാക്കുന്ന രീതി കണ്ടിട്ടുണ്ടാകുമല്ലോ? ചില ഹോട്ടലുകളിൽ ഓംലെറ്റ് മറിച്ചിടുന്ന രീതി കാണാൻ ഒരു പ്രത്യേക രസമാണ്. മുട്ട ഒഴിച്ചിരിക്കുന്ന പാത്രം എടുത്ത് ഒറ്റ പൊക്കാണ്. അപ്പോഴേക്കും ദാ നൈസായിട്ട് ഓംലെറ്റ് ഇങ്ങ് തിരിഞ്ഞ് പോരും. അതൊക്കെ കണ്ടിരിക്കാൻ തന്നെ നല്ല കൗതുകമാണ്. 

അത്തരത്തിൽ നൈസായിട്ട് ഒന്ന് തിരിച്ചിടാൻ നോക്കിയപ്പോൾ കിട്ടിയ എട്ടിന്റെ പണിയാണ് ഈ വീഡിയോയിൽ കാണുന്നത്. ഹോട്ടൽ ജീവനക്കാരൻ പാത്രത്തിലേക്ക് മുട്ട ഒഴിച്ച ശേഷം അത് മറിച്ചിടാൻ ശ്രമിക്കുന്നതാണ് വീഡിയോയിൽ. മറിച്ചിട്ടപ്പോഴേക്കും ഓംലെറ്റ് തിരിച്ച് പാത്രത്തിലേക്കല്ല നേരെ പോയി വീണ്ടത് സീലിങ് ഫാനിലേക്കാണ്. കോമഡി സ്കിറ്റുകൾ പോലെ തന്നെ തമാശയ്ക്കായി ചിത്രീകരിച്ച വീഡിയോ ആണ് ഇതെന്ന് കാണുമ്പോൾ തോന്നും. ഏതായാലും സംഭവം അങ്ങ് ഹിറ്റ് ആയി. 

ഫാനിലേക്ക് ചെന്ന് ഓംലെറ്റ് വീഴുന്നത് മാത്രമല്ല വീഡിയോയിൽ ഉള്ളത്. അതിന് ശേഷം സംഭവിക്കുന്നതും ചിത്രീകരിച്ചിട്ടുണ്ട്. ഈ ഫാനിൽ വീണ ഓംലെറ്റ് ജീവനക്കാരൻ എടുത്ത് പാത്രത്തിലാക്കി ഹോട്ടലിൽ കഴിക്കാൻ വന്നയാൾക്ക് നൽകുകയും അത് അയാൾ മറ്റൊരാൾക്ക് നൽകുന്നതും വീഡിയോയിൽ കാണാം. തമാശയ്ക്ക് വണ്ടി മാത്രം എടുത്തതാണ് വീഡിയോ എന്നാണ് മനസിലാകുന്നത്. ഓറഞ്ച് ക്രിയേഷൻസ് എന്ന ഫേസ്ബുക്ക് പേജിൽ പങ്കുവെച്ച വീഡിയോ ആണിത്. 350 പേർ ലൈക്ക് ചെയ്ത വീഡിയോ 911k ആളുകൾ ഇതുവരെ കണ്ടു കഴിഞ്ഞു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy