കാലവർഷം കടുക്കുന്നു; 12 ജില്ലകളിൽ യെല്ലോ അലെർട്ട്

തിരുവനന്തപുരം:  കേരളത്തിൽ കാലവർഷം ശക്തമാകുന്നു.  അതിന്റെ അടിസ്ഥാനത്തിൽ വയനാടും കാസർഗോഡും ഒഴികെയുള്ള സംസ്ഥാനത്തെ 12 ജില്ലകളിലും യെല്ലോ അലെർട്ട് പ്രഖ്യാപിച്ചിട്ടുണ്ട്. നാളെ മുതൽ ഈ ജില്ലകളിൽ യെല്ലോ അലെർട്ട് ബാധകമാണ്. 

മത്സ്യത്തൊഴിലാളികൾക്ക്  പ്രത്യേക മുന്നറിയിപ്പോന്നും നല്കിയിട്ടില്ല.  എന്നാൽ നാളെ വൈകിട്ടോടെ ബംഗാൾ ഉൽക്കടലിൽ പുതിയ ന്യൂനമർദ്ദം രൂപപ്പെടുമെന്നും ഇത് ശക്തമായാൽ സംസ്ഥാനത്ത് കൂടുതൽ മഴയ്ക്ക് സാധ്യത ഉണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകിയിട്ടുണ്ട്.  

ഇതിനോടൊപ്പം തന്നെ ഈ ന്യൂനമർദ്ദം ചുഴലിക്കാറ്റായി മാറാനുള്ള സാധ്യതയും കാലാവസ്ഥാ നിരീക്ഷണ കേന്ദ്രം മുന്നോട്ട് വച്ചിട്ടുണ്ട്.