Perumbavoor Suicide: പെരുമ്പാവൂരിൽ വീടിനുള്ളിൽ യുവതിയെ തൂങ്ങിമരിച്ച നിലയിൽ കണ്ടെത്തി

പെരുമ്പാവൂർ: ഓടയ്ക്കാലിയിൽ യുവതിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയതായി റിപ്പോർട്ട്. ഓടയ്ക്കാലി പുളിയാമ്പിള്ളിമുഗൾ നെടുമ്പുറത്ത് വീട്ടിൽ വിഷ്ണുവിന്റെ ഭാര്യ ചാന്ദിനിയെയാണ് തൂങ്ങി മരിച്ച നിലയിൽ കണ്ടെത്തിയത്.  സംഭവം നടന്നത് ഇന്നലെയായിരുന്നു.

ചാന്ദിനി ഒരു സ്വകാര്യ മൈക്രോ ഫൈനാൻസ് സ്ഥാപനത്തിൽ നിന്നും പണം വായ്പ എടുത്തിരുന്നതായിട്ടാണ് റിപ്പോർട്ട്. ഇതിന്റെ ഗഡുക്കൾ അടയ്‌ക്കേണ്ടത് ഇന്നലെയായിരുന്നു. അതിൽ കുടിശ്ശികയും ഉണ്ടായിരുന്നു. മൈക്രോ ഫൈനാൻസ് സ്ഥാപനത്തിൽ നിന്നും ചില ജാവനക്കാർ ഇന്നലെ ഇവരുടെ വീട്ടിൽ വന്നതായി ബന്ധുക്കൾ പറയുന്നുണ്ട്.  

പണം കൊടുക്കാൻ കഴിയാത്തതിലുള്ള മനോ വിഷമത്തിലാണോ ചാന്ദിനി ആത്മഹത്യ ചെയ്തതെന്ന് വ്യക്തമല്ല. വിവരമറിയിച്ചതിനെ തുടർന്ന് എത്തിയ കുറുപ്പുംപടി പോലീസ് അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.

ഇതിനിടയിൽ ആറാട്ട് വഴിയില്‍ ട്യൂഷൻ കഴിഞ്ഞ് വരുന്നതിനിടെ മതിൽ ഇടിഞ്ഞു വീണ് 14 കാരന്‍ മരിച്ചു. അന്തെക്ക് പറമ്പ് വീട്ടില്‍ അലിയുടെ മകന്‍ അല്‍ ഫയാസ് ആണ് മരിച്ചത്. ആലപ്പുഴ ലജ്‌നത്ത് സ്‌കൂളിലെ 9-ാം ക്ലാസ് വിദ്യാര്‍ത്ഥിയായിരുന്നു അല്‍ ഫയാസ്. അൽ ഫയാസ് ട്യൂഷന്‍ കഴിഞ്ഞുവരുന്നതിനിടെ വീടിന് സമീപത്തുള്ള മതിലിടിഞ്ഞ് വീഴുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പോസ്റ്റുമോർട്ടത്തിന് ശേഷം വീട്ടുകാർക്ക് വിട്ടുകൊടുക്കും.