Crime News: വയനാട് ബത്തേരിയിൽ മുത്തശ്ശിയെ യുവാവ് കഴുത്തുഞെരിച്ച് കൊന്നു
Murder Case: ചീരാൽ വരിക്കേരി റജി നിവാസിൽ രാഹുൽ രാജാണ് മുത്തശ്ശി തങ്കമ്മയെ കൊലപ്പെടുത്തിയത്. പ്രതിക്ക് മാനസിക അസ്വാസ്ഥ്യം ഉള്ളതായാണ് വിവരം.
വയനാട്: ബത്തേരിയിൽ യുവാവ് മുത്തശ്ശിയെ കൊലപ്പെടുത്തി. ചീരാൽ വരിക്കേരി റജി നിവാസിൽ രാഹുൽ രാജാണ് മുത്തശ്ശി തങ്കമ്മയെ കഴുത്തുഞെരിച്ച് കൊലപ്പെടുത്തിയത്. സംഭവത്തിൽ പോലീസ് പ്രതിയെ അറസ്റ്റ് ചെയ്തു.
ശനിയാഴ്ച രാവിലെ പത്തരയോടെയാണ് സംഭവം നടന്നത്. പഠിക്കുന്നതിനിടെ മുത്തശ്ശി ശല്യപ്പെടുത്തിയതാണ് പ്രകോപനത്തിന് കാരണമായതെന്നാണ് പ്രതി രാഹുൽ പോലീസിന് മൊഴി നൽകിയത്. തോർത്ത് ഉപയോഗിച്ച് കഴുത്ത് മുറുക്കി ശ്വാസം മുട്ടിച്ചാണ് കൊലപ്പെടുത്തിയത്. അബോധാവസ്ഥയിലായ വൃദ്ധയെ നൂൽപുഴ പോലീസ് എത്തിയാണ് ചീരാൽ സർക്കാർ ആശുപത്രിയിൽ എത്തിച്ചത്.
ALSO READ: ജയിലിൽ നിന്നിറങ്ങിയ കാപ്പ കേസ് പ്രതി കഞ്ചാവുമായി എക്സൈസ് പിടിയിൽ
ആശുപത്രിയിൽ എത്തിച്ചെങ്കിലും മരണം സംഭവിച്ചു. പ്രതിക്ക് മാനസിക അസ്വാസ്ഥ്യം ഉള്ളതായാണ് വിവരം. താളൂർ നീലഗിരി കോളേജിലെ അധ്യാപകനായ പ്രതി കുറച്ചുനാളായി ലീവിലായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.