Aattam Movie OTT : മികച്ച പ്രേക്ഷക പ്രതികരണം നേടിയ `ആട്ടം` ഒടിടിയിൽ എത്തി; എവിടെ കാണാം?

Aattam Malayalam Movie OTT Platform : ചലച്ചിത്രമേളകളിലും തിയറ്ററകളിലും മികച്ച പ്രേക്ഷക പ്രതികരണം നേടിയെടുത്ത ചിത്രമാണ് ആട്ടം സിനിമ. ഐഎഫ്എഫ്കെയിൽ മികച്ച മലയാളം ചിത്രമായി തിരഞ്ഞെടുത്ത സിനിമയാണ് ആട്ടം. എന്നാൽ ആട്ടം സിനിമയ്ക്ക് കൂടുതൽ പ്രേക്ഷകരിലേക്കത്താൻ സാധിച്ചിരുന്നില്ല. തുടർന്ന് ചിത്രത്തിന്റെ ഒടിടി റിലീസിനായി കാത്തിരിക്കുകയാണ് നിരവധി പേർ. ഇപ്പോഴിതാ ആട്ടം ഒടിടിയിൽ എത്തി. ആമസോൺ പ്രൈം വീഡിയോയാണ് ആട്ടം സിനിമയുടെ ഒടിടി അവകാശം സ്വന്തമാക്കിയിരിക്കുന്നത്. ചിത്രത്തിന്റെ ഒടിടി സംപ്രേഷണം ഇന്ന് മാർച്ച് 11-ാം തീയതി മുതൽ ആരംഭിച്ചു. 

ആനന്ദ് ഏകർഷിയാണ് ചിത്രം എഴുതി സംവിധാനം ചെയ്തിരിക്കുന്നത്. ജോയി മൂവി പ്രൊഡക്ഷൻസിന്റെ ബാനറിൽ ഡോ. അജിത്ത് ജോയിയാണ് ആട്ടം നിർമിച്ചിരിക്കുന്നത്. ചേംബർ ഡ്രാമ ഴോൺറെ ചിത്രമാണ് ആട്ടം. വിനയ് ഫോർട്ട്, സറിൻ ഷിഹാബ്, കലാഭവൻ ഷാജോൺ, നന്ദൻ ഉണ്ണി എന്നിവരാണ് ആട്ടത്തിലെ പ്രധാന വേഷങ്ങൾ കൈകാര്യം ചെയ്തിരിക്കുന്നത്.

ജനുവരി അഞ്ചിന് ആട്ടം തിയറ്ററുകളിൽ എത്തിയിരുന്നു. അനിരുദ്ധ അനീഷാണ് ഛായാഗ്രഹകൻ. മഹേഷ് ഭുവനേന്ദാണ് ചിത്രത്തിന്റെ എഡിറ്റിങ് നിർവഹിച്ചിരിക്കുന്നത്. ബേസിൽ സി.ജെയാണ് ചിത്രത്തിന്റെ സംഗീതം ഒരുക്കിയിരിക്കുന്നത്.