Abraham Ozler OTT : അബ്രഹാം ഓസ്ലർ ഒടിടിയിൽ വരുന്നത് ഈ പ്ലാറ്റ്ഫോമിലൂടെ; ഏറ്റവും പുതിയ അപ്ഡേറ്റ് ഇങ്ങനെ

Abraham Ozler OTT Platform Updates : ഏകദേശം പത്ത് വർഷങ്ങൾക്ക് ശേഷം, അബ്രഹാം ഓസ്ലറിലൂടെയാണ് നടൻ ജയറാം മലയാളിത്തിൽ ബോക്സ് ഓഫീസ് ഹിറ്റ് നേടുന്നത്. മെഗാ സ്റ്റാർ മമ്മൂട്ടിയും കൂടി ചിത്രത്തിൽ അതിഥി വേഷത്തിലെത്തിയതോടെ ഓസ്ലർ ബോക്സ് ഓഫീസിൽ കത്തികയറി. 2024ലെ ആദ്യ സൂപ്പർ ഹിറ്റ് ചിത്രമാണ് ഓസ്ലർ. അഞ്ചാം പാതിരയ്ക്ക് ശേഷം മിഥുൻ മാനുവൽ തോമസ് ഒരുക്കിയ ഒരു മെഡിക്കൽ ത്രില്ലർ ചിത്രമാണ് അബ്രഹാം ഓസ്ലർ. ഇപ്പോൾ ചിത്രത്തിന്റെ ഒടിടി റിലീസിനായി അക്ഷമയോടെ കാത്തിരിക്കുകയാണ് നിരവധി പ്രേക്ഷകർ. നേരത്തെ ഓസ്ലർ ഫെബ്രുവരി ഒമ്പതിനും ഈ കഴിഞ്ഞ 16നും ഒടിടിയിൽ എത്തുമെന്ന് റിപ്പോർട്ടുകളുണ്ടായിരുന്നു. ഇപ്പോഴും 40 ഓളം തിയറ്ററുകളിൽ പ്രദർശനം തുടരുന്ന ചിത്രം എപ്പോൾ ഒടിടിയിൽ വരുമെന്ന് അറിയാൻ കാത്തിരിക്കുകയാണ് മലയാളം സിനിമ പ്രേക്ഷകർ.

ഓസ്ലർ ഒടിടി പ്ലാറ്റ്ഫോമേത്?

അബ്രഹാം ഓസ്ലർ സിനിമയുടെ ഡിജിറ്റൽ അവകാശം ഏത് ഒടിടി പ്ലാറ്റ്ഫോമിനാണ് എന്നതിൽ വ്യക്തതയില്ല. ഏതാനും ഇംഗ്ലീഷ് മാധ്യമങ്ങൾ ചിത്രം ഡിസ്നി പ്ലസ് ഹോട്ട്സ്റ്റാറിൽ എത്തുമെന്ന് റിപ്പോർട്ട് ചെയ്തിരുന്നു. ഇതിന് മുമ്പ് ഒടിടി പ്ലേ, ടൈംസ് ഓഫ് ഇന്ത്യ ഉൾപ്പെടെയുള്ള മാധ്യമങ്ങൾ അറിയിച്ചത് ഓസ്ലറിന്റെ ഒടിടി അവകാശം പ്രൈം വീഡിയോയ്ക്കാണെന്നായിരുന്നു. ഇത് ആരാധകരിൽ വലിയ സംശയമാണ് ഉടലെടുത്തിരിക്കുന്നത്. 

അതേസമയം ഓസ്ലർ ഒടിടി സംബന്ധിച്ച് മനസ്സിലാക്കാൻ സാധിക്കുന്നത് ചിത്രത്തിന്റെ ഡിജിറ്റൽ അവകാശം സ്വന്തമാക്കിയിരിക്കുന്നത് ആമസോൺ പ്രൈം വീഡിയോ ആണെന്നാണ്. തിയറ്റർ പ്രദർശനം സമയത്ത് ഡിജിറ്റൽ പാർട്ട്ണറായി എഴുതി കാണിച്ചത് പ്രൈം വീഡിയോ എന്നായിരുന്നു. ചിത്രത്തിന്റെ സാറ്റ്ലൈറ്റ് അവകാശമാണ് സ്റ്റാർ നെറ്റ്വർക്ക് സ്വന്തമാക്കിയിരിക്കുന്നത്. ഇതാണ് ചിലരിൽ സംശയം സൃഷ്ടിച്ചിരിക്കുന്നത്. 

കൂടാതെ ഓസ്ലർക്ക് ശേഷം തിയറ്ററുകളിൽ (ജനുവരി 25) എത്തിയ മലൈക്കോട്ടൈ വാലിബന്റെ ഒടിടി റിലീസ് ഇന്ന് ഫെബ്രുവരി 19ന് ഡിസ്നി പ്ലസ് പ്രഖ്യാപിച്ചിട്ടുണ്ട്. അപ്പോൾ ജനുവരി 11ന് തിയറ്ററുകളിൽ എത്തിയ ഓസ്ലർ പ്രദർശനം നടത്താതെ മോഹൻലാൽ ചിത്രം ഒടിടിയിൽ ഹോട്ട്സ്റ്റാർ സംപ്രേഷണം ചെയ്യുമോ? ഫെബ്രുവരി 23നാണ് മലൈരക്കോട്ടൈ വാലിബൻ ഒടിടിയിൽ എത്തുക. എന്നിരുന്നാലും ചിത്രത്തിന്റെ ഒടിടി അവകാശം സ്വന്തമാക്കിയ പ്ലാറ്റ്ഫോമിന്റെയും അണിയറപ്രവർത്തകരുടെയും ഔദ്യോഗിക പ്രഖ്യാപനത്തിനായി കാത്തിരിക്കേണ്ടതാണ്.

ഓസ്ലർ ബോക്സ്ഓഫീസിൽ

ഓസ്ലർ 50 കോടിയോളം ആഗോള ബോക്സ് ഓഫീസിൽ നേടിയെന്നാണ് റിപ്പോർട്ടുകളിൽ പറയുന്നത്. സൂപ്പർ ഹിറ്റ് ചിത്രമായ അഞ്ചാം പാതിരയ്ക്ക് ശേഷം മിഥുൻ മാനുവൽ തോമസ് ഒരുക്കുന്ന ചിത്രമെന്ന പേരിൽ തന്നെ ഓസ്ലർക്ക് റിലീസിന് മുമ്പെ പ്രേക്ഷക ശ്രദ്ധ ലഭിച്ചിരുന്നു. ഒപ്പം മമ്മൂട്ടി ചിത്രത്തിൽ കാമിയോ വേഷം ചെയ്യുമെന്ന് അഭ്യുഹങ്ങൾ വന്നതോടെ ഓസ്ലറിന് കൂടുതൽ പ്രേക്ഷകരിലേക്കെത്തി. ആദ്യ മൂന്ന് ദിവസം കൊണ്ട് ഓസ്ലർ 8.15 കോടിയാണ് ബോക്സ് ഓഫീസിൽ നേടിയത്. ഏറ്റവും ഒടുവിൽ 25-ാം ദിവസം പുറത്ത് വിട്ട കണക്ക് പ്രകാരം ആഗോള ബോക്സ് ഓഫീസിൽ ജയറാം ചിത്രം നേടിയത് 40 കോടി രൂപയാണ്. യുഎഇയിൽ കളക്ഷൻ ഏകദേശം പത്ത് കോടിയോളം ഓസ്ലർ നേടിട്ടുണ്ട്. പുതിയ കണക്കുകൾ എല്ലാ കൂടി വരുമ്പോൾ ജയറാം ചിത്രത്തിന്റെ ആകെ ബോക്സ്ഓഫീസ് കണക്ക് 50 കോടി കടക്കും.

ഡോക്ടറായ രൺധീർ കൃഷ്ണൻ എഴുതിയ കഥയാണ് മിഥുൻ മുനുവൽ സംവിധാനം ചെയ്തിരിക്കുന്നത്. ഇർഷാദ് എം ഹസ്സനും മിഥുൻ മാനുവെലും ചേർന്നാണ് നേരമ്പോക്ക് സിനിമാസിന്റെ ബാനറിൽ  ചിത്രം നിർമിച്ചിരിക്കുന്നത്. ജയറാമിനെയും മമ്മൂട്ടിയെയും കൂടാതെ അർജുൻ അശോകൻ, ദിലീഷ് പോത്തൻ, ജഗദീഷ്, അനശ്വര രാജൻ, സെന്തിൽ കൃഷ്‍ണ, അർജുൻ നന്ദകുമാർ, ആര്യ സലിം, അസീം ജമാൽ എന്നിവരാണ് മറ്റ് പ്രധാന കഥാപാത്രങ്ങളെ ചിത്രത്തിൽ അവതരിപ്പിക്കുന്നത്.

സംഗീതം മിഥുൻ മുകുന്ദ്, എഡിറ്റിംഗ് സൈജു ശ്രീധർ, കലാസംവിധാനം ഗോകുൽദാസ്, മേക്കപ്പ് റോണക്സ്‌ സേവ്യർ, കോസ്റ്റ്യും ഡിസൈൻ അരുൺ മനോഹർ, ക്രിയേറ്റീവ് ഡയറക്ടർ പ്രിൻസ് ജോയ്, അസ്റ്റോസ്സിയേറ്റ് ഡയറക്ടേർസ് റോബിൻ വർഗീസ്, രജീഷ് വേലായുധൻ, എക്സിക്യുട്ടീവ്  പ്രൊഡ്യൂസർ ജോൺ മന്ത്രിക്കൽ, ലൈൻ പ്രൊഡ്യൂസർ സുനിൽ സിംഗ്, പ്രൊഡക്ഷൻ എക്സിക്യുട്ടീവ് പ്രസാദ് നമ്പ്യാങ്കാവ്, പ്രൊഡക്ഷൻ കൺട്രോളർ പ്രശാന്ത് നാരായണൻ, ഫോട്ടോ സുഹൈബ്, പിആര്‍ഒ വാഴൂര്‍ ജോസ് എന്നിവരാണ് മറ്റ് അണിയറ പ്രവർത്തകർ. ചിത്രത്തിൽ മമ്മൂട്ടിയുടെ എൻട്രി അടക്കം വളരെ രഹസ്യമായാണ് അണിയറ പ്രവർത്തകർ സൂക്ഷിച്ചിരുന്നത്. ഇത് കൊണ്ട് തന്നെ ചിത്രത്തിന് വലിയ പ്രേക്ഷക പ്രീതിയാണ് ലഭിച്ചതും.