ആരാധകരെ അമ്പരപ്പിക്കുന്ന മേക്കൊവറില്‍ ലെന!!
നവാഗതനായ ലെനിന്‍ ബാലകൃഷ്ണന്‍ സംവിധാനം ചെയ്യുന്ന `ആര്‍ട്ടിക്കിള്‍ 21` എന്ന പേരില്‍ പുറത്തിറങ്ങാനിരിക്കുന്ന ചിത്രത്തിലാണ് ലെനയുടെ ഈ ഞെട്ടിപ്പിക്കുന്ന മേക്കൊവര്‍.
ആരാധകരെ അമ്പരപ്പിക്കുന്ന മേക്കൊവറില്‍ പ്രിയനടി ലെന. മേക്കൊവര്‍ നടത്തി നിരവധി താരങ്ങള്‍ രംഗത്തെത്താറുണ്ടെങ്കിലും ലെനയുടെ മേക്കൊവര്‍ ഒരു ഒന്നൊന്നര മേക്കൊവര്‍ ആയിരുന്നു എന്നതില്‍ സംശയമില്ല.
നവാഗതനായ ലെനിന്‍ ബാലകൃഷ്ണന്‍ സംവിധാനം ചെയ്യുന്ന 'ആര്‍ട്ടിക്കിള്‍ 21' എന്ന പേരില്‍ പുറത്തിറങ്ങാനിരിക്കുന്ന ചിത്രത്തിലാണ് ലെനയുടെ ഈ ഞെട്ടിപ്പിക്കുന്ന മേക്കൊവര്‍.
അഭിനയ ജീവിതത്തില്‍ ഇതുവരെ നേരിടാത്ത വെല്ലുവിളി നിറഞ്ഞ കഥാപാത്രവുമായിട്ടാണ് ലെന എത്തുന്നത്. എപ്പോഴും നമുക്കു ചുറ്റുമുള്ള എന്നാൽ ആരാലും ശ്രദ്ധിക്കപ്പെടാതെ പോകുന്ന കുറെ ജീവിതങ്ങളുടെ കഥയാണ് താമര എന്ന കഥാപാത്രത്തിലൂടെ ലെന വെള്ളിത്തിരയില്‍ എത്തുന്നത്.
ചിത്രത്തിന്‍റെ ആദ്യ പോസ്റ്റര്‍ പുറത്തിറങ്ങി. സിഗരറ്റ് പുകച്ചുകൊണ്ട് ഗ്ലാസിലേക്ക് മദ്യം പകരുന്ന ലെനയുടെ മൂന്ന് ഭാഗങ്ങളാണ് കാണാന്‍ സാധിക്കുന്നത്. ചിത്രത്തില്‍ ജോജുജോര്‍ജ്ജ്, അജു വര്‍ഗ്ഗീസ്, ബിനീഷ് കോടിയേരി, മാസ്റ്റര്‍ ലെസ്വിന്‍, മാസ്റ്റര്‍ നന്ദന്‍ രാജേഷ് എന്നിവര്‍ മറ്റ് പ്രധാന താരങ്ങളായി എത്തുന്നുണ്ട്.
ഛായാഗ്രഹണം അഷ്‌കറും ഗോപിസുന്ദര്‍ സംഗീതവും പശ്ചാത്തല സംഗീതവും നിര്‍വ്വഹിക്കുന്നു. എഡിറ്റിംഗ് സന്ദീപ് നന്ദകുമാറും സൗണ്ട് ഡിസൈന്‍ രംഗനാഥ് രവിയുംകൈകാര്യം ചെയ്യുന്നു. വാക്ക് വിത്ത് സിനിമ പ്രസന്‍സിന്‍റെ ബാനറില്‍ ജോസഫ് ധനൂപും പ്രസീനയുമാണ് ചിത്രം നിര്‍മ്മിക്കുന്നത്.