Oh Cindrella: ദിൽഷ നായികയാകുന്ന `ഓ സിൻഡ്രല്ല`; അനൂപ് മേനോൻ ചിത്രത്തിന്റെ ട്രെയിലർ

അനൂപ് മേനോൻ കഥയെഴുതി റെണോലസ് റഹ്മാൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ഓ സിൻഡ്രെല്ല. ചിത്രത്തിന്റെ ട്രെയിലർ അണിയറക്കാർ പുറത്തുവിട്ടു. അനൂപ് മേനോൻ തന്നെയാണ് ചിത്രത്തിൽ പ്രധാന വേഷത്തിലെത്തുന്നത്. സിനിമാ റിവ്യൂസിനെ കുറിച്ച് സംസാരിക്കുന്ന രം​ഗം നേരത്തെ ഇറങ്ങിയ ടീസറിൽ കാണിച്ചിരുന്നത്. സിനിമാ ഒരുക്കുന്നതും അതിന്റെ മറ്റ് വശങ്ങളുമാണോ ചിത്രത്തിന്റെ പ്രമേയം എന്ന് വ്യക്തമല്ല.

ബി​ഗ് ബോസ് സീസൺ 4ലൂടെ പ്രേക്ഷകർക്ക് സുപരിചിതയായ ദിൽഷ പ്രസന്നൻ ആണ് ചിത്രത്തിലെ നായിക. ചിത്രത്തിന്റെ ടൈറ്റിൽ പോസ്റ്റർ ശ്രദ്ധ നേടിയിരുന്നു. ദിൽഷയെ ആയിരുന്നു പോസ്റ്ററിൽ അവതരിപ്പിച്ചിരുന്നത്. മല്ലിക സുകുമാരൻ, നന്ദലാൽ കൃഷ്ണമൂർത്തി, മാലാ പാർവതി, അശ്വതി ശ്രീകാന്ത്, ശ്രുതി രജനികാന്ത്, ദിനേഷ് പ്രഭാകർ, പ്രശാന്ത് അലക്സാണ്ടർ, ബാദുഷ എൻ.എം, ശ്രീകാന്ത് മുരളി തുടങ്ങിയവരാണ് മറ്റ് താരങ്ങൾ.

റെണോലസ് റഹ്മാൻ ആണ് ചിത്രം സംവിധാനം ചെയ്യുന്നത്. അനൂപ് മേനോൻ സ്റ്റോറീസിന്റെ ബാനറിൽ അനൂപ് മേനോൻ ആണ് ചിത്രം അവതരിപ്പിക്കുന്നത്. മഹാദേവൻ തമ്പിയാണ് ഛായാ​ഗ്രഹണം നിർവഹിക്കുന്നത്. ബാദുശ. എൻ.എം, സിയാൻ ശ്രീകാന്ത്, നിനോയ് വർ​ഗീസ്, ആൻണണി സ്റ്റീഫൻ തുടങ്ങിവരാണ് മറ്റ് അണിയറക്കാർ.