അഭിനയ മോഹവുമായി വെള്ളിത്തിരയിലേക്ക് വന്നവർ ഒരുപാടുണ്ടെങ്കിലും സംവിധായകനാകണം എന്ന ആ​ഗ്രഹത്തോടെ അഭിനയത്തിൽ അരങ്ങേറ്റം കുറിച്ചവർ കുറവായിരിക്കും. അക്കൂട്ടത്തിൽ എടുത്ത് പറയാവുന്ന പേരുകളിലൊന്നാണ് സംവിധായകൻ വിനയന്റെ മകൻ വിഷ്ണു വിനയ്. സിനിമാ പശ്ചാത്തലം ഉണ്ടെങ്കിലും തന്റെതായ രീതിയിൽ പ്രേക്ഷക വിസ്മയിപ്പിക്കാനും സിനിമയിൽ വ്യക്തിമുദ്ര പതിപ്പിക്കാനും ശ്രമിക്കുന്ന വിഷ്ണുവിന്റെ ആദ്യ ചിത്രമാണ് നവംബർ 15ന് പ്രദർശനം ആരംഭിക്കുന്ന 'ആനന്ദ് ശ്രീബാല'.


COMMERCIAL BREAK
SCROLL TO CONTINUE READING

അർജുൻ അശോകൻ, അപർണ ദാസ്, മാളവിക മനോജ് എന്നിവരാണ് യഥാർത്ഥ സംഭവത്തെ ആസ്പദമാക്കി ഒരുക്കിയിരിക്കുന്ന ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. അഭിലാഷ് പിള്ളയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിൽ പ്രിയ വേണുവും നീതാ പിന്റോയും ചേർന്നാണ് ചിത്രം നിർമിച്ചിരിക്കുന്നത്. 'മാളികപ്പുറം’, ‘2018’ എന്നീ ഹിറ്റ് ചിത്രങ്ങൾക്ക് ശേഷം കാവ്യ ഫിലിം കമ്പനിയും ആൻ മെഗാ മീഡിയയും വീണ്ടും ഒന്നിക്കുന്ന ചിത്രമാണ് ആനന്ദ് ശ്രീബാല.


ALSO READ: ഡബ്‌സിയുടെ ആലാപനത്തിൽ 'റെഡിയാ മാരൻ' ! 'ഹലോ മമ്മി'യിലെ ആദ്യ ​ഗാനം


എഞ്ചിനീയറിംഗ് പഠന സമയത്തും സിനിമയായിരുന്നു വിഷ്ണുവിന്റെ സ്വപ്നം. പഠനം പൂർത്തിയാക്കിയ ഉടൻ അച്ഛനൊപ്പം അസിസ്റ്റന്റ് ഡയറക്ടറായി പ്രവർത്തിച്ചു തുടങ്ങി. സിനിമ നിർമാണത്തിലും വിതരണത്തിലും കൈവച്ച ശേഷം അച്ഛൻ സംവിധാനം ചെയ്ത 'ആകാശഗംഗ 2, 'പത്തൊൻപതാം നൂറ്റാണ്ട്' എന്നീ സിനിമകളിൽ പ്രമുഖ കഥാപാത്രങ്ങളെ അവതരിപ്പിച്ചു. 


അഭിനയത്തേക്കാൾ അഭിനിവേശം സംവിധാനത്തോടായതുകൊണ്ട് 'ആനന്ദ് ശ്രീബാല'യിലേക്ക് എത്തി. നിർമാതാവ് ആന്റോ ജോസഫ് വഴിയാണ് അഭിലാഷ് പിള്ളയുടെ തിരക്കഥയിലേക്ക് വിഷ്ണു എത്തിയത്. വ്യത്യസ്തമായ കഥകൾ കേട്ടെങ്കിലും 'ആനന്ദ് ശ്രീബാല'യിലാണ് വിഷ്ണുവിന്റെ മനസ്സുടക്കിയത്.


ALSO READ: 'ദേഷ്യവും പ്രയാസവും കൊണ്ട് പ്രതികരിച്ചതാണ്, നിയമപരമായി മുന്നോട്ടുപോകും'; വിവാദത്തിൽ പ്രതികരിച്ച് ജോജു ജോർജ്


ഒരു പോലീസ് ഉദ്യോ​ഗസ്ഥനാവണം എന്ന അതിയായ ആ​ഗ്രഹത്തിൽ നടക്കുന്ന ചെറുപ്പക്കാരനാണ് ആനന്ദ് ശ്രീബാല. ആനന്ദ് ശ്രീബാലയായി അർജ്ജുൻ അശോകനും ചാനൽ റിപ്പോർട്ടറായി അപർണ്ണദാസും എത്തുന്ന ചിത്രത്തിലെ മറ്റ് പ്രധാന വേഷങ്ങൾ സൈജു കുറുപ്പ്, ധ്യാൻ ശ്രീനിവാസൻ, അജു വർഗീസ്, ഇന്ദ്രൻസ്, സംഗീത, മനോജ് കെ യു, ശിവദ, അസീസ് നെടുമങ്ങാട്, കോട്ടയം നസീർ, നന്ദു, സലിം ഹസ്സൻ, കൃഷ്ണ, വിനീത് തട്ടിൽ, മാസ്റ്റർ ശ്രീപദ്, മാളവിക മനോജ്, സരിത കുക്കു, തുഷാരപിള്ള തുടങ്ങിയവർ കൈകാര്യം ചെയ്തിരിക്കുന്നു.


ഛായാഗ്രഹണം- വിഷ്ണു നാരായണൻ. ചിത്രസംയോജനം- കിരൺ ദാസ്. സംഗീതം- രഞ്ജിൻ രാജ്. ചീഫ് അസ്സോസിയേറ്റ് ഡയറക്ടർ- ബിനു ജി നായർ. പ്രൊഡക്ഷൻ കൺട്രോളർ- ഷാജി പട്ടിക്കര. ടീസർ കട്ട്- അനന്ദു ഷെജി അജിത്. ലൈൻ പ്രൊഡ്യൂസേർസ്- ഗോപകുമാർ ജി കെ, സുനിൽ സിംഗ്. ഡിസൈൻ- ഓൾഡ് മോങ്ക്സ്. സ്റ്റിൽസ്- ലെബിസൺ ഗോപി. പിആർഒ ആൻഡ് മാർക്കറ്റിംഗ്- വൈശാഖ് വടക്കേവീട്, ജിനു അനിൽകുമാർ.



ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy


ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.