`ഭാവന നായികയാവുന്ന ബജ്‌രംഗി 2 ടീസർ പുറത്തിറങ്ങി`, കെജിഎഫ് പോലെന്ന് ആരാധകർ
2013ല്‍ പ്രദര്‍ശനത്തിനെത്തിയ ഫാന്‍റസി ആക്ഷന്‍ ചിത്രത്തിന്‍റെ രണ്ടാംഭാഗമാണ് ഇത്
ശിവരാജ് കുമാറിനൊപ്പം ഭാവനയും എത്തുന്ന കന്നഡ ചിത്രം ഭജറംഗി 2ന്‍റെ ഒഫിഷ്യല്‍ ടീസര്‍ പുറത്തെത്തി. 2013ല്‍ പ്രദര്‍ശനത്തിനെത്തിയ ഫാന്‍റസി ആക്ഷന്‍ ചിത്രത്തിന്‍റെ രണ്ടാംഭാഗമാണ് ഇത്. ടീസറിലെ ചില ദൃശ്യങ്ങളില്‍ മെഗാ ഹിറ്റ് കന്നഡ ചിത്രം കെജിഎഫിനോട് സാദൃശ്യം പുലര്‍ത്തുന്നുണ്ട്. നായകന്‍ ശിവരാജ് കുമാറിന്‍റെ പിറന്നാള്‍ ദിനത്തിലാണ് ടീസര്‍ പുറത്തെത്തിയിരിക്കുന്നത്.
കിടിലൻ മേക് ഓവറിലാണ് ഭാവനയെ കാണാൻ സാധിക്കുന്നത്. ചിത്രത്തിലെ പ്രധാന കഥാപാത്രത്തെയാണ് ഭാവന അവതരിപ്പിക്കുന്നത് എന്നാണ് സൂചന. ചിത്രത്തിന് കെജിഎഫുമായി സാദൃശ്യം ഉള്ളത് കൊണ്ടുതന്നെ കഥ എന്താണെന്നറിയാൻ ആകാംക്ഷയിലാണ് ആരാധകർ. ഒന്നരലക്ഷത്തിലധികം പേർ ഇതിനകം ടീസർ കണ്ടുകഴിഞ്ഞു.
Also Read: 'ബ്രസീൽ വനിത ഫുട്ബാളിൽ സ്വവർഗ വിവാഹം', ആശംസകൾ നേർന്ന് ആരാധകർ
ജയണ്ണ ഫിലിംസിന്‍റെ ബാനറില്‍ ജയണ്ണ, ഭോഗേന്ദ്ര എന്നിവര്‍ ചേര്‍ന്നാണു നിര്‍മ്മാണം. സ്വാമി ജെ ഗൗഡയാണ് ഛായാഗ്രഹണം. സംഗീതം അര്‍ജുന്‍ ജന്യ. എഡിറ്റിംഗ് ദീപു എസ് കുമാര്‍. ഡോ രവി വര്‍മ്മ, വിക്രം എന്നിവരാണ് ആക്ഷന്‍ കൊറിയോഗ്രഫി. അതേസമയം 10 ദിവസത്തെ ചിത്രീകരണം കൂടി ബാക്കിയുണ്ട് ചിത്രത്തിന്. അതിനായുള്ള അനുമതി കാത്തിരിക്കുകയാണ് അണിയറക്കാര്‍.