Bigg Boss Malayalam Season 6: ശ്രീതുവിനോട് പ്രണയമോ.. ലെസ്ബിയനോ? പ്രതികരണവുമായി റെസ്‍മിൻ ഭായ്‌

Bigg Boss Malayalam Season 6 Updates: ബിഗ് ബോസ് മലയാളം സീസൺ 6 ലെ ഓളമുണ്ടാക്കിയ ഒരു മത്സരാർത്ഥിയായിരുന്നു റെസ്‌മിൻ ഭായ്.  73 ദിവസങ്ങൾ ബിഗ് ബോസ് വീട്ടിൽ നിന്ന റെസ്‌മിൻ കഴിഞ്ഞ കുറച്ചു ദിവസം മുൻപ് ഔട്ട് ആയിരുന്നു. ഒരു മികച്ച കളിക്കാരി തന്നെയായിരുന്നു റെസ്‌മിൻ എന്നത് സംശയമില്ലാത്ത കാര്യം തന്നെയായിരുന്നു. 

റെസ്‌മിൻ ഹൗസിലായിരുന്നപ്പോഴും പിന്നീട് പുറത്തുവന്നപ്പോഴും ഏറ്റവും കൂടുതൽ ചർച്ചയാകുന്നത് റെസ്‌മിൻ ലെസ്ബിയൻ ആണോ? എന്നതാണ്. ഇതിന് കാരണം ഹൗസിലായിരുന്നപ്പോൾ ഒരിക്കൽ റെസ്‌മിൻ ശ്രീതുവിനോട് പറഞ്ഞിരുന്നു തനിക്ക് ക്രഷ് ആണെന്ന്.  ഇതിനു ശേഷമാണ് ഈ ചർച്ച ഉണ്ടായതും. 

ഇപ്പോഴിതാ ഇക്കാര്യത്തിൽ പ്രതികരണവുമായി റെസ്‌മിൻ തന്നെ രംഗത്തെത്തിയിരിക്കുകയാണ്. ഒരു ചാനലിന് നൽകിയ അഭിമുഖത്തിലാണ് ഇക്കാര്യത്തെ കുറിച്ച് റെസ്‌മിൻ പ്രതികരിച്ചിരിക്കുന്നത്. ഇക്കാര്യത്തെ കുറിച്ച് ചോദിച്ചപ്പോൾ റെസ്‌മിൻ പറഞ്ഞത് പുറത്തുവന്നപ്പോൾ ഞാനും ഇത് കേട്ടിരുന്നു എന്നാണ്. ഞാൻ ഉദ്ദേശിച്ച ക്രഷ് പ്രണയമായിരുന്നില്ല എന്നും ഒരാളെ കാണുമ്പോൾ അയാളുടെ ഡ്രസിങ്ങിൽ സംസാരത്തിൽ നമുക്കൊരു ഇഷ്ടം തോന്നില്ലേ അതാണ് തനിക്കും തോന്നിയതെന്നും അല്ലാതെ ക്രഷിന്റെ അർത്ഥം പ്രണയമല്ലെന്നും റെസ്‌മിൻ വ്യക്തമാക്കി.

എനിക്ക് ആ സമയത്ത് ആ കുട്ടിയോട് അങ്ങനൊരു ക്രഷ് തോന്നി അത് ഞാൻ തുറന്നു പറഞ്ഞു അത്രമാത്രം.  ഇത് കേരളമാണല്ലോ അതുകൊണ്ടാകാം ലെസ്ബിയൻ എന്ന രീതിയിൽ ഒരു ചർച്ച വന്നതെന്നും അല്ലാതെ ഇതിനെക്കുറിച്ചു തനിക്ക് പ്രത്യേകിച്ചൊന്നും പറയാനില്ലെന്നും റെസ്‌മിൻ പറഞ്ഞു.