Jomon T John : ഛായഗ്രാഹകൻ ജോമോൻ ടി ജോൺ വീണ്ടും വിവാഹിതനായി; വധു ചലച്ചിത്ര നിർമാതാവ്

Jomon T John- Ansu Elas Varghese Wedding : പ്രമുഖ ഛായഗ്രാഹകനും സിനിമ നിർമാതാവുമായ ജോമോൻ ടി ജോൺ വീണ്ടും വിവാഹിതനായി. സിനിമ നിർമാതാവും എഞ്ചിനീയറും ഗവേഷകയുമായ അൻസു എൽസ് വർഗീസ് ആണ് വധു. ജോമോന്റെ ഉടസ്ഥതയിലുള്ള പ്ലാൻ ജെ സ്റ്റുഡിയോസ് എന്ന സിനിമ നിർമാണ കമ്പനിയുടെ സഹസ്ഥാപകയാണ് വധുവായി എൽസ. വിവാഹ ചിത്രങ്ങൾ ജോമോൻ തന്റെ ഇൻസ്റ്റഗ്രാമിൽ പങ്കുവെക്കുകയും ചെയ്തു.

"മൈ ഹോപ് ആൻഡ് ഹോം" എന്ന കുറിപ്പ് രേഖപ്പെടുത്തികൊണ്ടാണ് ജോമോൻ തന്റെ വിവാഹ ചിത്രങ്ങൾ പങ്കുവെച്ചിരിക്കുന്നത്. ബീച്ചിൽ ഒരുക്കിയ പ്രത്യേക വിവാഹ വേദിയിലായിരുന്നു ഇരുവരുടെയും കല്യാണം. നവദമ്പതികൾക്ക് ആശംസകളുമായി സിനിമ ലോകത്തെ നിരവധി പേർ എത്തുകയും ചെയ്തു. ബോളിവുഡ് താരം റൺവീർ സിങ്, തെന്നിന്ത്യൻ നടി കൃതി ഷെട്ടി, സംവിധായകരായ ബേസിൽ ജോസഫ്, തരുൺ മൂർത്തി, ജിസ് ജോയി, ഗായിക അഭയഹിരൺമയി, നടി കൃഷ്ണപ്രഭ, നൂറിൻ, മേതിൽ ദേവിക തുടങ്ങിയവരാണ്  നവദമ്പതികൾക്ക് ആശംസകൾ അറിയിച്ചിരിക്കുന്നത്.

തണ്ണീർമത്തൻ ദിനങ്ങൾ, വിശുദ്ധ മെജോ എന്നീ സിനികൾ ജോമോന്റോയും എൽസയുടെ ഉടമസ്ഥതയിലുള്ള പ്ലാൻ ജെ സ്റ്റുഡിയോസിന്റെ സഹബാനറിലാണ് ഒരുക്കിട്ടുള്ളത്. നർത്തകി മേതിൽ ദേവിക ആദ്യമായി അഭിനയിക്കുന്ന കഥ ഇന്നുവരെ എന്ന സിനിമയുടെ സഹനിർമാതാവും ജോമോനാണ്. ജോമോൻ തന്നെ ചിത്രത്തിന്റെ ഛായഗ്രാഹകൻ. മേപ്പടിയാൻ സിനിമയുടെ സംവിധായകൻ വിഷ്ണു മോഹനാണ് ചിത്രം ഒരുക്കുന്നത്.

നടി ആൻ അഗസ്റ്റിനായിരുന്നു ജോമോന്റെ ആദ്യ ഭാര്യ. 2014ൽ ആയിരുന്നു ജോമോനും ആനും തമ്മിൽ വിവാഹിതരാകുന്നത്. പിന്നീട് 2021ൽ ഇരുവരും തമ്മിൽ വേർപിരിയുകയും ചെയ്തു.