Malikappuram Movie: മാളികപ്പുറത്തിനെ പ്രശംസിച്ച് പോസ്റ്റിട്ടയാളുടെ സ്ഥാപനം തീ വെച്ചു
പ്രഗിലേഷിന്റെ ഉടമസ്ഥതയിലുള്ള എരമംഗലം സെന്ററിലെ ശോഭ ലൈറ്റ് ആൻഡ് സൗണ്ട് എന്ന സ്ഥാപനത്തിനുനേരെയായിരുന്നു ആക്രമണം
മലപ്പുറം: ‘മാളികപ്പുറം’ സിനിമയെ പ്രശംസിച്ച് ഫേസ്ബുക്കിൽ പോസ്റ്റിട്ടയാളുടെ സ്ഥാപനം തീവെച്ചു. സി.പി.ഐ. പ്രവർത്തകനും യുവകലാസാഹിതി പൊന്നാനി മണ്ഡലം സെക്രട്ടറിയുമായ സി. പ്രഗിലേഷിൻറെ കടയിലാണ് സാമൂഹിക വിരുദ്ധരുടെ ആക്രമണം. വെള്ളിയാഴ്ചയാണ് പ്രഗിലേഷ് ഫേസ്ബുക്കിൽ ചിത്രം നന്നായെന്ന് പോസ്റ്റിട്ടത്. ഇതിന് പിന്നാലെ പ്രഗിലേഷിന് സൈബർ ആക്രമണം നേരിടേണ്ടി വന്നിരുന്നു.
പ്രഗിലേഷിന്റെ ഉടമസ്ഥതയിലുള്ള എരമംഗലം സെന്ററിലെ ശോഭ ലൈറ്റ് ആൻഡ് സൗണ്ട് എന്ന സ്ഥാപനത്തിനുനേരെയായിരുന്നു ആക്രമണം. കടയിലെ ലൈറ്റുകൾ സൂക്ഷിച്ചിരുന്ന പെട്ടികൾ, ക്ഷേത്രോത്സവങ്ങൾക്കായി തയ്യാറാക്കിയ സ്വാഗതബോർഡുകൾ തുടങ്ങിയവയാണ് നശിപ്പിച്ചത്. സംഭവത്തിൽ പരാതി നൽകാനാണ് പ്രഗിലേഷിൻറെ തീരുമാനം.
പ്രഗിലേഷിൻറെ ഫേസ്ബുക്ക് പോസ്റ്റ് ഇങ്ങനെ
മാളികപ്പുറം സിനിമ നല്ലതെന്നു പരാമർശിച്ചതിനാണ് .....
എഫ്ബിയിൽ നമ്മൾ ചർച്ചകളും അഭിപ്രായങ്ങളും പങ്കുവെക്കൽ പതിവാണ്. പക്ഷെ ഇങ്ങനാവുംന്ന് കരുതിയില്ല.
: കട കത്തിക്കുമെന്ന് ഒരു പോലീസുകാരൻ ഭീഷണിപ്പെടുത്തി.
: ഇന്ന് തന്നെ കണക്ക് തീർക്കുമെന്ന് സൈബർ പോരാളി.
: ഞാൻ നാടിന് ശാപം പിഴുതുകളയുമെന്ന് നിരീശ്വര സംഘത്തിലെ ഒരാൾ .
മദ്യത്തിന്റെയും മയക്കുമരുന്നിന്റേയോ പിൻബലത്തിലാവാം ചെയ്തതെങ്കിലും തെളിവോടെ DGP ക് പരാതി നൽകും.
CCTV ദൃശ്യങ്ങൾ തെളിയുമെന്ന പ്രതീക്ഷയോടെ .
തെളിയിക്കാൻ ഏതറ്റം വരെയും
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...