Divya Unni`s URVI : ഏറെ നാളുകൾക്ക് ശേഷം ക്യാമറയ്ക്ക് മുന്നിൽ നടി ദിവ്യ ഉണ്ണി; ഉർവി പ്രേക്ഷകരിലേക്കെത്തി

കൊച്ചി: പ്രമുഖ ചലച്ചിത്ര താരം ദിവ്യ ഉണ്ണിയെ കേന്ദ്ര കഥാപാത്രമായി എത്തുന്ന ഫാഷൻ ഫിലിം ഉർവി റിലീസ് ചെയ്തു. ഉർവി (അഥവാ ഭൂമി) പൗർണമി മുകേഷാണ് സംവിധാനം ചെയ്തിരിക്കുന്നത്.  

പ്രകൃതിയെയും അതിലെ ഓരോ കണികകളെയും ആസ്വദിക്കുന്ന ഒരു സ്ത്രീയെയാണ് ദിവ്യ ഈ ചിത്രത്തിലൂടെ അവതരിപ്പിക്കുന്നത്. രണ്ട് മിനിറ്റാണ് ചിത്രത്തിന്റെ ദൈർഖ്യം. ടീം ജാങ്കോ സ്പേസ് എന്ന യുട്യൂബ് ചാനലിലൂടെയാണ് ചിത്രം റിലീസ് ചെയ്തിരിക്കുന്നത്.

ഹരി കൃഷ്ണനാണ് ക്യാമറ കൈകാര്യം ചെയ്തിരിക്കുന്നത്. ഗോപീകൃഷ്ണന്റെ വരികൾക്ക് അമൃതേഷാണ് സംഗീതം നൽകിയിരിക്കുന്നത്. സൂര്യ ശ്യാമാണ് ഗാനം ആലപിച്ചിരിക്കുന്നത്. വിഷ്ണു ശങ്കർ വി എസാണ് എഡിറ്റിങ്, 

ഏറെക്കാലത്തിനു ശേഷം ക്യാമറക്കുമുന്നിൽ എത്തിയ ദിവ്യയുടെ ഈ വീഡിയോ ഇതിനോടകം തന്നെ ഏറെ ജനശ്രദ്ധ ആകർഷിച്ചിട്ടുണ്ട്.