Heeriye Song: `ഹീരിയേ, ഹീരിയേ`.... പ്രണയ ഗാനവുമായി ദുൽഖർ, ഒപ്പം ജസ്ലീൻ റോയലും; വീഡിയോ
ദുല്‍ഖറിനൊപ്പം ജസ്ലീൻ റോയലും ഈ പ്രണയ ഗാനത്തിൽ വേഷമിട്ടിരിക്കുന്നു. സംഗീത സംവിധാനം നിര്‍വഹിച്ചിരിക്കുന്നത് ജസ്ലീൻ റോയലാണ്.
ദുല്‍ഖര്‍ നായകനായ ഹന്ദി പ്രണയ ഗാനത്തിന്റെ വീഡിയോ പുറത്തുവിട്ടു. 'ഹീരിയേ' എന്ന ഗാനത്തിന്റെ വീഡിയോ ആണ് പുറത്തുവിട്ടിരിക്കുന്നത്. ദുല്‍ഖറിനൊപ്പം ജസ്ലീൻ റോയലും ഈ പ്രണയ ഗാനത്തിൽ വേഷമിട്ടിരിക്കുന്നു. സംഗീത സംവിധാനം നിര്‍വഹിച്ചിരിക്കുന്നത് ജസ്ലീൻ റോയലാണ്. ജസ്ലീൻ റോയലും അർജിത്‌ സിങ്ങും ചേര്‍ന്നാണ് ഗാനം ആലപിച്ചിരിക്കുന്നത്. ആദിത്യ ശര്‍മയാണ് ഗാനത്തിന് വരികളെഴുതിയത്.
താനി തൻവിറാണ് പ്രണയ ഗാനത്തിന്റെ വീഡിയോ സംവിധാനം ചെയ്‍തിരിക്കുന്നത്. ശ്വേതാ വെങ്കട്ടാണ് വീഡിയോയുടെ എഡിറ്റിംഗ്. കൗശല്‍ ഷാ ഛായാഗ്രാഹണം നിര്‍വഹിച്ചിരിക്കുന്നു. 'ദിൻഷഗ്ന ദാ', 'ഖോഗയേ ഹം കഹാൻ', 'ഡിയർ സിന്ദഗി', 'സാങ് റഹിയോ', 'രഞ്ജ' തുടങ്ങിയ ഗാനങ്ങളിലൂടെ ശ്രദ്ധയാകര്‍ഷിച്ച സംഗീതജ്ഞയാണ് ജസ്ലീൻ റോയല്‍.
'കിംഗ് ഓഫ് കൊത്ത' ആണ് ദുൽഖറിന്റേതായി പ്രദർത്തിനൊരുങ്ങുന്ന ചിത്രം. മോളിവുഡ് ഈ വർഷം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കിംഗ് ഓഫ് കൊത്ത. ചിത്രത്തിൻ്റെ ഓരോ അപ്ഡേറ്റും ആരാധകർ ആവേശത്തോടെയാണ് സ്വീകരിക്കാറുള്ളത്. ഓഗസ്റ്റ് 24ന് ചിത്രം തിയേറ്ററുകളിൽ എത്തുമെന്നാണ് റിപ്പോർട്ട്. കേരളത്തിൽ മാത്രം ഇരുനൂറിലേറെ സ്‌ക്രീനുകളിലാണ് ചിത്രം റിലീസ് ചെയ്യുക. ആഗോളതലത്തിൽ ആയിരത്തിലധികം സ്‌ക്രീനുകളിലും ഒരുമിച്ച് റിലീസ് ചെയ്യാനാണ് തീരുമാനം. മലയാളത്തിന്റെ ഹിറ്റ് മേക്കറായ ജോഷിയുടെ മകൻ അഭിലാഷ് ജോഷിയാണ് കിംഗ് ഓഫ് കൊത്ത സംവിധാനം ചെയ്യുന്നത്.
Also Read: Samara Movie: 'സമാറ' സെക്കൻഡ് ലുക്ക് എത്തി; റഹ്മാൻ ചിത്രം ഈ വർഷം തന്നെ റിലീസ്
95 ദിവസം നീണ്ട ചിത്രീകരണം തമിഴ്നാട്ടിലെ കരൈക്കുടിയിൽ ഫെബ്രുവരിയിലാണ് അവസാനിച്ചത്. ഏറെ വെല്ലുവിളികൾ നേരിട്ടാണ് കിംഗ് ഓഫ് കൊത്തയുടെ ചിത്രീകരണം പൂർത്തിയാക്കിയതെന്ന് ദുൽഖർ തന്നെ അടുത്തിടെ വെളിപ്പെടുത്തിയിരുന്നു. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ എന്നീ ഭാഷകളിലും കിംഗ് ഓഫ് കൊത്ത റിലീസ് ചെയ്യും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...