Face Off Movie: ധ്യാൻ ശ്രീനിവാസൻ നായകനാകുന്ന പുതിയ ചിത്രം `ഫേസ് ഓഫ്`; ചിത്രത്തിൻറെ ടൈറ്റിൽ പോസ്റ്റർ പുറത്തിറക്കി പൃഥ്വിരാജ്

ധ്യാൻ ശ്രീനിവാസൻ നായകനാകുന്ന പുതിയ ചിത്രം ഫേസ് ഓഫിൻറെ ടൈറ്റിൽ പോസ്റ്റർ പുറത്തിറക്കി. ചിത്രത്തിന്റെ ടൈറ്റില്‍ പോസ്റ്റര്‍ നടൻ പൃഥ്വിരാജ് പുറത്തിറക്കി. സജീവനാണ് ചിത്രം സംവിധാനം ചെയ്തിരിക്കുന്നത്. ലാലും ഇന്ദ്രൻസും ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.

മുകേഷും ഉര്‍വശിയും പ്രധാന കഥാപാത്രങ്ങളാകുന്ന ചിത്രം അയ്യര്‍ ഇൻ അറേബ്യയാണ് ധ്യാൻ ശ്രീനിവാസന്റേതായി പ്രദര്‍ശനത്തിനൊരുങ്ങുന്ന ചിത്രം. ഫെബ്രുവരി രണ്ടിനാണ് ചിത്രം പ്രദർശനത്തിനെത്തുന്നത്. മുകേഷും ഉർവശിയും അവതരിപ്പിക്കുന്ന കഥാപാത്രങ്ങളുടെ മകനായാണ് ധ്യാൻ ശ്രീനിവാസൻ ചിത്രത്തിലെത്തുന്നത്.

അയ്യര്‍ ഇൻ അറേബ്യയില്‍ ദുര്‍ഗാ കൃഷ്‍ണ, ഡയാന ഹമീദ്, ഷൈൻ ടോം ചാക്കോ, മണിയൻ പിള്ള രാജു, കൈലാഷ്, സുധീർ കരമന, സോഹൻ സീനുലാൽ, ഉല്ലാസ് പന്തളം, ജയകൃഷ്‍ണൻ, സിനോജ് സിദ്ധിഖ്, ജയകുമാർ, ഉമ നായർ, ശ്രീലത നമ്പൂതിരി, രശ്‍മി അനിൽ, വീണ നായർ, നാൻസി, ദിവ്യ എം നായർ, ബിന്ദു പ്രദീപ്, സൗമ്യ തുടങ്ങിയവും വിവിധ കഥാപാത്രങ്ങളെ അവതരിപ്പിക്കുന്നു.

എം എ നിഷാദാണ് ചിത്രം സംവിധാനം ചെയ്തിരിക്കുന്നത്. കുടുംബ ബന്ധങ്ങളുടെ പ്രാധാന്യം വ്യക്തമാക്കുന്ന ചിത്രം ആക്ഷേപഹാസ്യമായിട്ടാണ് ഒരുക്കിയിരിക്കുന്നത്. ആനന്ദ് മധുസൂദനനാണ് ചിത്രത്തിന് സംഗീതം ഒരുക്കിയിരിക്കുന്നത്. സിദ്ധാര്‍ഥ് രാമസ്വാമിയും വിവേക് മേനോനുമാണ് ചിത്രത്തിന്റെ ഛായാഗ്രാഹണം നിർവഹിച്ചിരിക്കുന്നത്. ഗാനരചന- പ്രഭാ വർമ, റഫീഖ് അഹമ്മദ്, ഹരിനാരായണൻ, മനു മഞ്ജിത്.

തിരക്കഥ- എം എ നിഷാദ്. ശബ്‍ദലേഖനം- ജിജുമോൻ ടി ബ്രൂസ്. സൗണ്ട് ഡിസൈൻ- രാജേഷ് പിഎ. നിര്‍മാണം- വിഘ്‌നേഷ് വിജയകുമാർ. ബാനർ- വെല്‍ത്ത് ഐ പ്രൊഡക്ഷൻസ്. വിഘ്‍നേശ് വിജയകുമാറിന്റെ നിര്‍മാണത്തിലുള്ള ആദ്യ ചിത്രമാണ് അയ്യർ ഇൻ അറേബ്യ.