Honey Rose Aavesham Movie Song Viral Video: ഇത് രം​ഗണ്ണൻ അല്ല രം​ഗണ്ണി...! കരിങ്കാളിയല്ലേ... ആവേശത്തിലെ രം​ഗണ്ണനെ അനുകരിച്ച് ഹണിറോസ്, വീഡിയോ കാണാം

മലയാളികൾക്ക് ഏറെ പ്രിയങ്കരിയായ നടിയാണ് ഹണി റോസ്. സോഷ്യൽ മീഡിയിയിൽ ഏറെ സജീവമായ താരം ഇടയ്ക്കിടെ തന്റെ പുത്തൻ ഫോട്ടോഷൂട്ട് ചിത്രങ്ങളും വീഡിയോകളും എല്ലാം ആരാധകരുമായി പങ്കുവെക്കാറുണ്ട്. അതിനെല്ലാം വലിയ രീതിയിലുള്ള വിമർശനങ്ങളുമെല്ലാം ഹണി നേരിടാറുമുണ്ട്. പ്രാധനമായും ബോഡി ഷെയ്മിങ്. ​ഹണി റോസ് സോഷ്യൽ മീഡിയയിലൂടെ നേരിടുന്ന അത്ര ബോ‍ഡി ഷെയ്മിങ് മറ്റു നടിമാരൊന്നും ഈ അടുത്തകാലത്തൊന്നും നേരിട്ടില്ലെന്ന് തന്നെ പറയാം. അത്തരത്തിൽ വളരെ രൂക്ഷമായതും മോശപ്പെട്ടതുമായ തരത്തിലുള്ള കമ്മന്റുകളാണ് താരത്തിന് നേരെ എത്താറുള്ളത്. ഹണിയുടെ വസ്ത്രത്തേതും ശരീരത്തേയും എല്ലാം വളരെ മോശമായ രീതിയിലാണ് ആളുകൾ ജഡ്ജ് ചെയ്യുക.

തന്റെ സോഷ്യൽ മീഡിയയിൽ ഹണി ഒരു ചിത്രം പോസ്റ്റു ചെയ്താൽ അതിൽ നല്ല കമ്മന്റുകളേക്കാൾ മോശം കമ്മ്ന്റുകളാണ് കൂടുതലായും ഉണ്ടാവുക. എന്നാൽ താരം ഇതിനൊന്നും മറുപടി നൽകാറില്ല. പക്ഷെ തനിക്കെതിരെ വരുന്ന ഇത്തരം മോശം കമ്മന്റുകൾ പലപ്പോഴും തന്നെ വേദനിപ്പിക്കാറുണ്ടെന്ന് ഹണി റോസ് പല ഇന്റർവ്യൂകളിലും വികാരീതയായ പറഞ്ഞിട്ടുമുണ്ട്. ഒരു സാഹചര്യത്തിൽ ഇത്തരക്കാർക്കെതിരെ നിയമ നടപടി സ്വീകരിക്കുമെന്നും ഹണി പറഞ്ഞിരുന്നു. എന്നിട്ടും ഇപ്പോഴും താരത്തിന് ഇത്തരം സൈബർ ആക്രമണങ്ങൾക്ക് കുറവില്ല. എന്നാൽ ഹണി ഇതൊന്നും മൈൻഡ് ചെയ്യാതെ ഇപ്പോഴും ഫോട്ടോകളും ചിത്രങ്ങളും സോഷ്യൽ മീഡിയയിൽ ആരാധകരുമായി പങ്കുവെക്കാറുണ്ട്.

അത്തരത്തിൽ ഫഹദ് ഫാസിൽ നായകനായെത്തിയ ആവേശം എന്ന ചിത്രത്തിലെ വൈറൽ പാട്ടായ കരിങ്കാളിയല്ലേ എന്ന ​ഗാനത്തിനെ അനുകരിക്കുന്ന ഹണിയുടെ വീഡിയോ ആണ് ഇപ്പോൾ ശ്രദ്ധ നേടുന്നത്. ഈ വീഡിയോയ്ക്ക് താഴെ രസകരമായ കമ്മന്റുകളാണ് എത്തുന്നത്. ഇത് രം​ഗണ്ണൻ അല്ല രം​ഗണ്ണി, അമ്പാനെ ഇത് ഇനി ആരും കളിക്കണ്ട പറയു, താൻ അതുക്കും മേലെ,ഇത് വെളുത്ത കാളി, ക്യൂട്ട് ആയിട്ടുണ്ട്, സൂപ്പർ എന്നിങ്ങനെ പോകുന്നു കമ്മന്റുകൾ. വിനയൻ ചിത്രമായ ബോയ്ഫ്രണ്ട് എന്ന ചിത്രത്തിലൂടെ സിനിമയിലെത്തിയ നടിയാണ് ഹണി റോസ്. പിന്നീട് നിരവധി സിനിമകളിൽ അഭിനയിച്ച ഹണി റോസ് ഇപ്പോൾ മലയാളം കൂടാത മറ്റ് അന്യഭാഷാ ചിത്രങ്ങളിലും സജീവമാണ്.