Identity Movie: മോളിവുഡിൽ ചുവടുവയ്ക്കാൻ മന്ദിര ബേദി; `ഐഡന്റിറ്റി`യുടെ താരനിരയിൽ ബോളിവുഡ് താരവും
അഖിൽ പോൾ - അനസ് ഖാൻ കൂട്ടുകെട്ടിൽ ഒരുങ്ങുന്ന ചിത്രത്തിൽ നായികയാകുന്നത് തെന്നിന്ത്യൻ നടി തൃഷ കൃഷ്ണനാണ്
ടൊവിനോ തോമസ് നായകനാകുന്ന ഐഡന്റിറ്റി എന്ന ചിത്രത്തിന്റെ താരനിരയിൽ ബോളിവുഡ് നടി മന്ദിര ബേദിയും. ബോളിവുഡിൽ അറിയപ്പെടുന്ന നടിയും ടെലിവിഷൻ അവതാരികയും സീരിയൽ താരവുമൊക്കെയാണ് മന്ദിര ബേദി. ഏറെ ജനപ്രീതിയുള്ള താരമാണ് മന്ദിര ബേദി. പ്രഭാസിന്റെ സഹോ എന്ന ചിത്രത്തിലെ താരത്തിന്റെ നെഗറ്റീവ് വേഷവും ഏറെ ശ്രദ്ധേയകർഷിച്ചിരുന്നു.
അഖിൽ പോൾ - അനസ് ഖാൻ കൂട്ടുകെട്ടിൽ ഒരുങ്ങുന്ന ചിത്രത്തിൽ നായികയാകുന്നത് തെന്നിന്ത്യൻ നടി തൃഷ കൃഷ്ണനാണ്. ഫോറൻസിക് എന്ന ചിത്രത്തിനു ശേഷം ടൊവിനോ തോമസിനെ നായകനാക്കി അഖിൽ പോൾ - അനസ് ഖാൻ എന്നിവർ സംവിധാനം ചെയ്യുന്ന ചിത്രമാണിത്. 50 കോടിയിലധികം ബജറ്റിൽ നാല് ഭാഷകളിലായി പാൻ ഇന്ത്യൻ ലെവലിലാണ് ചിത്രം ഒരുങ്ങുന്നത്. ആക്ഷൻ രംഗങ്ങൾക്ക് ഏറെ പ്രാധാന്യം നൽകിക്കൊണ്ടാണ് ചിത്രം ഒരുക്കുന്നതെന്നാണ് സൂചന.
നൂറിൽപരം ദിവസത്തെ ചിത്രീകരണം പദ്ധതിയിടുന്ന ഐഡന്റിറ്റിയിൽ മുപ്പതോളം ദിവസങ്ങൾ ആക്ഷൻ രംഗങ്ങൾ ഒരുക്കാൻ മാത്രമായാണ് നീക്കിവച്ചിരിക്കുന്നത്. ഈ മാസം തന്നെ സിനിമയുടെ ചിത്രീകരണം തുടങ്ങും. ഇൻവെസ്റ്റിഗേറ്റീവ് ആക്ഷൻ ത്രില്ലർ ചിത്രമായിരിക്കും ഐഡന്റിറ്റി.
പൊന്നിയൻ സെൽവൻ, ലിയോ എന്നീ ചിത്രങ്ങൾക്ക് ശേഷം തൃഷ നായികയായി എത്തുന്ന ചിത്രമെന്ന പ്രത്യേകതയും ഐഡന്റിറ്റിക്കുണ്ട്. വിനയ് റോയിയും ചിത്രത്തിൽ പ്രധാന വേഷം ചെയ്യുന്നുണ്ട്. രാഗം മൂവീസിന്റെ ബാനറിൽ രാജു മല്യത്ത് സെഞ്ച്വറി കൊച്ചുമോനുമായി ചേർന്നാണ് ചിത്രം നിർമിക്കുന്നത്. അവതരണ മികവുകൊണ്ടും സാങ്കേതിക മികവു കൊണ്ടും ഏറെ നിരൂപക പ്രശംസ പിടിച്ചുപറ്റിയ ഫോറൻസിക്കിന് ശേഷം വീണ്ടും അതേ കൂട്ടുകെട്ട് ഒന്നിക്കുമ്പോൾ പ്രേക്ഷകരും ചിത്രത്തെക്കുറിച്ച് വലിയ പ്രതീക്ഷയിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...