Mr & Mrs Bachelor: അനശ്വരയും ഇന്ദ്രജിത്തും ഒന്നിക്കുന്നു; `മിസ്റ്റര്‍ ആന്റ് മിസ്സസ്സ് ബാച്ച്ലര്‍` ടീസർ

താൻ വീട്ടുകാരറിയാതെ ഒളിച്ചോടി വരുന്നതാണോ? നമ്മടെ കല്യാണപ്പെണ്ണല്ലേ ആ പോകുന്നത്? നിങ്ങളു കല്യാണം കഴിഞ്ഞ അന്നുതന്നെ വഴക്കുമായോ? വിവാഹഗൗണുമായി കാരുവന്തപുരം നഗരത്തിൽ വന്നിറങ്ങിയ ഒരു പെൺകുട്ടിയുടെ ജീവിതത്തിലൂടെ കടന്നു പോകുന്ന മിസ്റ്റർ ആൻ്റ് മിസ്സസ്സ് ബാച്ച് ലർ എന്ന ചിത്രത്തിലെ ചില പ്രസക്തഭാഗങ്ങളാണിത്.

ദീപു കരുണാകരൻ സംവിധാനം ചെയ്യുന്ന ഈ ചിത്രത്തിൻ്റെ റിലീസിൻ്റെ ഭാഗമായുള്ള ടീസറിലൂടെയാണ് ഏറെ കൗതകം നിറഞ്ഞ ഈ രംഗങ്ങൾ, പ്രേക്ഷകർക്കായി പുറത്തുവിട്ടിരിക്കുന്നത് ആകാംക്ഷയും നർമ്മവും, ഒക്കെ കൂട്ടിച്ചേർത്തതാണ് ഈ ചിത്രത്തിൻ്റെ ടീസർ അതുകൊണ്ടുതന്നെ കുറഞ്ഞ സമയത്തിനുള്ളിൽ സോഷ്യൽ മീഡിയായിൽ തരംഗം സൃഷ്ടിച്ചിരിക്കുന്നു. 

വലിയ സ്വീകാര്യതയോടെയുള്ള പ്രതികരണമാണ് ലഭിച്ചിരിക്കുന്നതെന്ന് കണക്കുകൾ വ്യക്തമാക്കുന്നുണ്ട്.  ഇന്ന് ദക്ഷിണേന്ത്യയിൽ ആകമാനം വലിയ പ്രേക്ഷക പിന്തുണയുള്ള നടി അനശ്വരാ രാജനാണ് ഈ ചിത്രത്തിലെ നായിക. ഇന്ദ്രജിത്താണ് നായകൻ. പൂർണ്ണമായും ഒരു റോഡ് മൂവിയായി അവതരിപ്പിക്കുന്ന ഈ ചിത്രത്തിൽ ബിജു പപ്പൻ, സീമ, ലയാ സിംസൺ എന്നിവരും ഏതാനും പുതുമുഖങ്ങളും പ്രധാന വേഷങ്ങളിലെത്തുന്നു. ഓഗസ്റ്റ് ഇരുപത്തി മൂന്നിന് ഹൈലൈൻ റിലീസ് ഈ ചിത്രം പ്രദർശനത്തിനെത്തിക്കും.

എക്സിക്കുട്ടീവ് പ്രൊഡ്യൂസർ - ബാബു.ആർ, തിരക്കഥ - അർജൻ.ടി.സത്യൻ, സംഗീതം - മനു രമേശ്, ഛായാഗ്രഹണം - പ്രദീപ് നായർ, എഡിറ്റിംഗ് - സോബിൻ കെ.സോമൻ, കലാസംവിധാനം - സാബുറാം, കോസ്റ്റും - ഡിസൈൻ - ബ്യൂസി ബേബി.ജോൺ, മേക്കപ്പ് - ബൈജു ശശികല, നിശ്ചല ഛായാഗ്രഹണം - അജി മസ്ക്കറ്റ്, ക്രിയേറ്റീവ് ഡയറക്ടർ - ശരത്ത് വിനായക്, ചീഫ് അസ്സോസ്സിയേറ്റ് ഡയറക്ടർ - സാംജി എം. ആൻ്റണി, അസ്സോസ്സിയേറ്റ് ഡയറക്ടർ - ശ്രീരാജ് രാജശേഖരൻ, ഫിനാൻസ് കൺട്രോളർ - സന്തോഷ് ബാലരാമപുരം, പ്രൊഡക്ഷൻ മാനേജർ - കുര്യൻ ജോസഫ്.