Sree Dhanya Catering Service : ബിരിയാണിയുമായി നാളെ `ശ്രീ ധന്യ കാറ്ററിംഗ് സർവീസ്` എത്തുന്നു ; ജിയോ ബേബി ചിത്രത്തിന്റെ ടീസർ

കൊച്ചി : സംസ്ഥാന അവാർഡ് ജേതാവ് ജിയോ ബേബി ദി ഗ്രേറ്റ് ഇന്ത്യൻ കിച്ചൺ ഫ്രീഡം ഫൈറ്റ് എന്നീ ചിത്രങ്ങൾക്ക് ശേഷം ഒരുക്കിയ ശ്രീ ധന്യ കാറ്ററിംഗ് സർവീസ് സിനിമയുടെ പുതിയ ടീസർ പുറത്ത് വിട്ടു. നാളെ ഓഗസ്റ്റ് 26ന് തിയറ്ററുകളിൽ എത്തുന്നതിന് മുന്നോടിയായിട്ടാണ് അണിയറ പ്രവർത്തകർ പുതിയ ടീസർ അവതരിപ്പിച്ചിരിക്കുന്നത്. ബഹുഭൂരിപക്ഷം പുതുമുഖങ്ങളെ വെച്ചാണ് ചിത്രം ഒരുക്കിയിരിക്കുന്നത്. സംവിധായകനായ ജിയോ ബേബിയും പ്രശാന്ത് മുരളി, കള ഫെയിം മൂർ എന്നിവരാണ് ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നത്.

മാൻകൈൻഡ് സിനാമാസ് സിമിട്രി സിനിമാസ് എന്നീ ബാനറുകളിൽ ജോമോൻ ജേക്കബ്, ഡിജോ അഗസ്റ്റിൻ, സജിന എസ് രാജ്, വിഷ്ണു രാജൻ എന്നിവർ ചേർന്നാണ് ചിത്രം നിർമിച്ചിരിക്കുന്നത്. ജിയോ ബേബിക്കും പ്രശാന്ത് മുരളിക്കു, മൂറിന് പുറമെ ചിത്രത്തിൽ ഭൂരിപക്ഷ പേരും പുതുമഖങ്ങളാണ് അഭിനയിച്ചിരിക്കുന്നത്. സംവിധായക കുഞ്ഞില മസിലാമണിയും ചിത്രത്തിൽ ഒരു വേഷം കൈകാര്യം ചെയ്യുന്നുണ്ട്.

സംവിധായകനായ ജിയോ തന്നെയാണ് സിനിമയുടെ രചന നിർവഹിച്ചിരിക്കുന്നത്. സാലു കെ തോമസാണ് ഛായഗ്രാഹകൻ. സുഹൈൽ കോയ, അലീന എന്നിവരുടെ വരികൾക്ക് സംഗീതം നൽകിയിരിക്കുന്നത് ബേസിൽ സി.ജെയാണ്. അഖിൽ ആനന്ദനാണ് കോ-ഡയറക്ടർ. ഫ്രാൻസിസ് ലൂയിസാണ് എഡിറ്റിങ് നിർവഹിക്കുന്നത്. 

നോബിൻ കുര്യൻ-ആർട്ട് ഡയറെക്ടർ, ടോണി ബാബു എംപിഎസ്ഇ-സൌണ്ട് ഡിസൈനർ, സ്വാതി വിജയൻ- കോസ്റ്റ്യും ഡിസൈനർ, അജയ് അലക്സ്- സിറ്റൽസ്, ദീപക് ശിവൻ- വിഎഫ്എക്സ്, ലിജു പ്രഭാകർ- കളറിസ്റ്റ്, റോബിൻ കുഞ്ഞുകുട്ടി എംപിഎസ്ഇ- സൌണ്ട് മിക്സ്, നിയാന്ദർ താൾ, വിനയ് വിൻസന്റ്- പബ്ലിസിറ്റി ഡിസൈൻ, ഷിനോയ് തലനാട് - പ്രൊഡക്ഷൻ കൺട്രോളർ, ആരോമൽ രാജൻ- എക്സിക്യൂട്ടീവ് പ്രൊഡൂസർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.