Mura Movie Trailer: കപ്പേളക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന ചിത്രം, ഹ്രിദ്ധു ഹാറൂണും സുരാജ് വെഞ്ഞാറമൂടും പ്രധാന വേഷങ്ങളിൽ; `മുറ` ട്രെയിലർ റിലീസ് ചെയ്തു

ഹ്രിദ്ധു ഹാറൂണും സുരാജ് വെഞ്ഞാറമ്മൂടും കേന്ദ്ര കഥാപാത്രങ്ങളിലെത്തുന്ന പുതിയ ചിത്രം മുറയുടെ ട്രെയിലർ റിലീസ് ചെയ്തു. കപ്പേളക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന ചിത്രമാണ് മുറ. തമിഴ്, ഹിന്ദി ചിത്രങ്ങളിലും ക്യാൻ ഫിലിം ഫെസ്റ്റിവലിലും തിളങ്ങിയ യുവ താരം ഹ്രിദ്ധു ഹാറൂണും സുരാജ് വെഞ്ഞാറമ്മൂടും മാലപാർവതിയും ചിത്രത്തിൽ കേന്ദ്ര കഥാപാത്രങ്ങളായി എത്തുന്നു.

ആക്ഷൻ ഡ്രാമ ജോണറിലാണ് ചിത്രം ഒരുക്കുന്നത്. വിജയ് സേതുപതി, എസ് ജെ സൂര്യ, ടൊവിനോ തോമസ്, നസ്രിയ, ദുഷാര വിജയൻ തുടങ്ങി നിരവധി താരങ്ങൾ മുറയുടെ ട്രെയിലർ സോഷ്യൽ മീഡിയയിലൂടെ റിലീസ് ചെയ്തു. നവംബർ എട്ടിന് ചിത്രം തിയേറ്ററുകളിൽ പ്രദ‍ർശനത്തിനെത്തും.

നേരത്തെ റിലീസ് ചെയ്ത മുറയുടെ ടീസറും ഗാനങ്ങളും സോഷ്യൽ മീഡിയയിൽ ട്രൻഡിങ് ആയിരുന്നു. കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്ണാ, വിഘ്‌നേശ്വർ സുരേഷ്, കൃഷ് ഹസ്സൻ, സിബി ജോസഫ് എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിക്കുന്നത്.

നിർമ്മാണം: റിയാ ഷിബു, എച്ച് ആർ പിക്ചേഴ്സ്. എക്സിക്യൂട്ടീവ് പ്രൊഡ്യൂസർ: റോണി സക്കറിയ. ഛായാഗ്രഹണം: ഫാസിൽ നാസർ. എഡിറ്റിംഗ്: ചമൻ ചാക്കോ. സംഗീത സംവിധാനം: ക്രിസ്റ്റി ജോബി. കലാസംവിധാനം: ശ്രീനു കല്ലേലിൽ. മേക്കപ്പ്: റോണെക്സ് സേവ്യർ. വസ്ത്രാലങ്കാരം: നിസാർ റഹ്മത്ത്. ആക്ഷൻ: പി.സി. സ്റ്റൻഡ്‌സ്. പ്രൊഡക്ഷൻ കൺട്രോളർ: ജിത്ത് പിരപ്പൻകോട്. പിആർഒ ആൻഡ് മാർക്കറ്റിംഗ് കൺസൾട്ടന്റ്: പ്രതീഷ് ശേഖർ.