Nalla Samayam OTT : തിയറ്ററിൽ നിന്നും പിൻവലിച്ച നല്ല സമയം ഒടിടിയിലേക്ക്; റിലീസ് ഉടൻ എന്ന് ഒമർ ലുലു
Nalla Samayam OTT Release Date ലഹരി മരുന്നുകളുടെ ഉപയോഗം ചിത്രത്തിന്റെ ട്രെയിലറിൽ പ്രോത്സാഹിപ്പിക്കുന്നു എന്ന് കണ്ടെത്തിയതിന് പിന്നാലെയാണ് സിനിമയുടെ അണിയറ പ്രവർത്തകർക്കെതിരെ എക്സൈസ് കേസ് രജിസ്റ്റർ ചെയ്തത്
സംസ്ഥാന എക്സൈസ് വകുപ്പ് ചുമത്തിയ കേസിന് പിന്നാലെ തിയറ്ററിൽ നിന്നും പിൻവലിച്ച് ഒമർ ലുലു ചിത്രം നല്ല സമയം ഒടിടി റിലീസിന് ഒരുങ്ങുന്നു. ഒമർ ലുലു തന്നെയാണ് ഇക്കാര്യം തന്റെ സോഷ്യൽ മീഡിയ പോസ്റ്റിലൂടെ അറിയിച്ചിരിക്കുന്നത്. അതേസമയം ഏത് ഒടിടി പ്ലാറ്റ്ഫോമിലൂടെയാണ് ചിത്രം റിലീസ് ചെയ്യുക തുടങ്ങിയ വിവരങ്ങൾ സംവിധായകൻ വ്യക്തമാക്കിട്ടില്ല. ചിത്രത്തിന്റെ ഒടിടി അവകാശം വിറ്റു പോയി എന്ന് ഒമർ ലുലു ആരാധകന്റെ ചോദ്യത്തിന്റെ മറുപടി നൽകിട്ടുമുണ്ട്.
ചിത്രത്തിന്റെ ട്രെയിലറിൽ മാരക ലഹരി മരുന്നായ എംഡിഎംഎയുടെ ഉപയോഗം പ്രോത്സാഹിപ്പിക്കുന്ന തലത്തിൽ ദൃശ്യങ്ങൾ കാണിച്ചു എന്ന പേരിലാണ് എക്സൈസ് വകുപ്പ് നല്ല സമയത്തിന്റെ അണിയറപ്രവർത്തകർക്കെതിരെ കേസ് രജിസ്റ്റർ ചെയ്തത്. എൻഡിപിഎസ്, അബ്കാരി നിയമങ്ങൾ ഒമർ ലുലുവിനെതിരെ ചുമത്തിട്ടുണ്ട്. തുടർന്ന് ഡിസംബർ 30ന് റിലീസായ ചിത്രം ജനുവരി രണ്ടിന് തിയറ്ററുകളിൽ നിന്നും പിൻവലിക്കുകയും ചെയ്തു.
ALSO READ : Rajini Haridas : ഡിപ്രഷനിൽ ആയിരുന്നോ എന്നറിയില്ല; 2022 അത്ര നല്ല വർഷമായിരുന്നില്ല: രഞ്ജിനി ഹരിദാസ്
ഇർഷാദ് അലിയും വിജീഷും കേന്ദ്ര കഥാപാത്രങ്ങളായി എത്തിയ ചിത്രത്തിൽ അഞ്ച് പുതുമുഖ നായികമാരെയാണ് നല്ല സമയത്തിലൂടെ സംവിധായകൻ ഒമർ ലുലു മലയാള സിനിമയിലേക്ക് അവതരിപ്പിച്ചത്. ഇർഷാദ്, വിജീഷ് എന്നിവരെ കൂടാതെ നീന മധു, ഗായത്രി ശങ്കർ, നോറ ജോൺസൺ, നന്ദന സഹദേവൻ, സുവൈബത്തുൽ ആസ്ലമിയ്യ എന്നീ പുതുമുഖങ്ങൾ ആണ് നായിക വേഷങ്ങളിൽ എത്തുന്നത്. ശാലു റഹീം, ശിവജി ഗുരുവായൂർ, ജയരാജ് വാര്യർ അടക്കം ഉള്ള താരങ്ങൾ മറ്റ് പ്രധാന വേഷങ്ങൾ അവതരിപ്പിക്കുന്നുണ്ട്.
നല്ല സമയത്തിന് ക്യാമറ കൈകാര്യം ചെയ്തിരിക്കുന്നത് സിനു സിദ്ദാർത്താണ്. ഒമർ ലുലുവും നവാഗതയായ ചിത്രയും ചേർന്നാണ് നല്ല സമയത്തിന്റെ തിരക്കഥ ഒരുക്കിയിരിക്കുന്നത്. രാജീവ് ആലുങ്കലിന്റെ വരികൾക്ക് സിദ്ധാർഥ് ശങ്കറും തിരക്കഥ രചയ്താക്കളിൽ ഒരാളായ ചിത്രയും ചേർന്നാണ് സംഗീതം നൽകയിരിക്കുന്നത്. പി ആർ ഓ പ്രതീഷ് ശേഖർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...