Veera Simha Reddy Movie : കിടിലൻ ഡാൻസുമായി നന്ദമൂരി ബാലകൃഷ്ണ; വീരസിംഹ റെഡ്ഡിയിലെ `സുഗുണ സുന്ദരി` ഗാനം പുറത്തിറങ്ങി
Veera Simha Reddy Suguna Sundhari Song വീരസിംഹ റെഡ്ഡി 2023 ജനുവരി 12 ചിത്രം തിയറ്ററുകളിൽ എത്തും
നന്ദമൂരി ബാലകൃഷ്ണ നായകനാകുന്ന വീരസിംഹ റെഡ്ഡിയിലെ "സുഗുണ സുന്ദരി" എന്ന ഗാനം പുറത്തിറങ്ങി. നന്ദമൂരി ബാലകൃഷ്ണയും, ശ്രുതി ഹാസ്സനും ഒന്നിച്ചുള്ള ഡ്യൂയറ്റ് ആണ് റിലീസ് ചെയ്തിരിക്കുന്നത്. ബാലകൃഷ്ണയെ ഈ ഗാനരംഗങ്ങളിൽ സ്റ്റൈലിഷ് ആയിട്ടാണ് കാണാൻ സാധിക്കുന്നത്. തമന്‍ എസ് സംഗീതം പകർന്ന ഈ ഗാനം സ്നിഗ്ധയും രാം മിരിയാലയും ചേർന്നാണ് ആലപിച്ചിരിക്കുന്നത്..
ചിത്രത്തില്‍ ബാലകൃഷ്ണ ഒരു രാഷ്ട്രീയ നേതാവായാണ് എത്തുന്നതെന്നാണ് സൂചന. കുര്‍ണൂല്‍ ആണ് സിനിമയുടെ പ്രധാന ലൊക്കേഷന്‍. ബിഗ് ബജറ്റിലാണ് ചിത്രം ഒരുങ്ങുന്നത്. മൈത്രി മൂവി മേക്കേഴ്സിന്റെ ബാനറില്‍ നവീന്‍ യെര്‍ണേനി, രവിശങ്കര്‍ യലമന്‍ചിലി എന്നിവര്‍ നിര്‍മ്മിക്കുന്ന ചിത്രത്തില്‍ ശ്രുതി ഹാസന്‍ ആണ് നായിക. ദുനിയ വിജയ്, വരലക്ഷ്മി ശരത്‍കുമാര്‍ എന്നിവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ALSO READ : Connect Movie : നയൻതാരയുടെ കണക്റ്റ് ഹിന്ദിയിലും എത്തും; അറിയിച്ച് വിഘ്‌നേഷ് ശിവൻ
തമന്‍ എസ് സംഗീതം പകരുന്ന ചിത്രത്തിന്‍റെ ഛായാഗ്രഹണം റിഷി പഞ്ചാബിയാണ്. സംഭാഷണങ്ങള്‍ ഒരുക്കിയിരിക്കുന്നത് സായ് മാധവ് ബുറയാണ്. നവീന്‍ നൂലി ആണ് എഡിറ്റര്‍. 2023 ജനുവരി 12 സംക്രാന്തി റിലീസ് ആയി ചിത്രം തിയറ്ററുകളിലേക്ക് എത്തും.
രവി തേജ നായകനായ ഡോണ്‍ സീനു എന്ന ചിത്രത്തിലൂടെ സംവിധാന രംഗത്ത് എത്തിയ ആളാണ് ഗോപിചന്ദ് മലിനേനി. 2010ലാണ് ഈ ചിത്രം എത്തിയത്. പന്ത്രണ്ട് വര്‍ഷത്തെ കരിയറില്‍ ആറ് സിനിമകളാണ് അദ്ദേഹം സംവിധാനം ചെയ്‍ത് പുറത്തെത്തിയത്. പി ആർ ഓ ശബരി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...