Officer on Duty: പിറന്നാൾ ദിനത്തിൽ ചാക്കോച്ചന്റെ ത്രില്ലര്‍ പ്രഖ്യാപനം; “ഓഫിസർ ഓൺ ഡ്യൂട്ടി” ഫസ്റ്റ് ലുക്ക് പുറത്ത്

പിറന്നാൾ ദിനത്തിൽ പുതിയ സിനിമയുടെ പ്രഖ്യാപനവുമായി പ്രേക്ഷകരുടെ പ്രിയ നടൻ കുഞ്ചാക്കോ ബോബൻ. പൊലീസ് ക്രൈം ത്രില്ലർ ജോണറിലെത്തുന്ന  “ഓഫിസർ ഓൺ ഡ്യൂട്ടി” എന്ന ചിത്രത്തിന്റെ ഫസ്റ്റ് ലുക്ക് പുറത്തുവിട്ടു. പാൻ ഇന്ത്യൻ തലത്തിൽ ശ്രദ്ധ നേടിയ നായാട്ട് ടീം വീണ്ടും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. 

കുഞ്ചാക്കോ ബോബനെ കേന്ദ്ര കഥാപാത്രമാക്കി ജിത്തു അഷ്റഫ്  സംവിധാനം ചെയ്യുന്ന ചിത്രം നിർമ്മിക്കുന്നത് മാര്‍ട്ടിന്‍ പ്രക്കാട്ടാണ്. പ്രിയാമണിയാണ് ചിത്രത്തിലെ നായിക, ജഗദീഷ്, വിശാഖ് നായർ, റംസാൻ തുടങ്ങിയവരും ചിത്രത്തിൽ അഭിനയിക്കുന്നുണ്ട്.

ഇല വീഴാപൂഞ്ചിറാ എന്ന ചിത്രത്തിന്‍റെ സംവിധായകനും നായാട്ട്, ജോസഫ് എന്നീ സിനിമകളുടെ തിരക്കഥാകൃത്തുമായ ഷാഹി കബീറാണ് ചിത്രത്തിന്റെ തിരക്കഥ ഒരുക്കുന്നത്. ജേക്‌സ് ബിജോയ് ആണ് ചിത്രത്തിന് സംഗീതം നൽകുന്നത്. 

ഷാഹിയുടെ മുൻ ചിത്രങ്ങളിലേത് പോലെ പോലീസ് കഥയാണ് ഓഫീസർ ഓൺ ഡ്യൂട്ടിയും. റോബി വർ​ഗീസ് രാജ് ഛായാ​ഗ്രഹണം നിർവഹിക്കുന്ന ചിത്രത്തിന്റെ എഡിറ്റിങ് . പ്രിയാമണിയാണ് ചിത്രത്തിലെ നായിക. ജഗദീഷ്, വിശാഖ് നായർ തുടങ്ങിയവരും ചിത്രത്തിലുണ്ട്

അമല്‍ നീരദ് സംവിധാനം ചെയ്ത  ബോഗയ്ന്‍‍വില്ലയായിരുന്നു കുഞ്ചാക്കോ ബോബന്‍റെ അവസാനം ഇറങ്ങിയ ചിത്രം. തീയറ്ററില്‍ മികച്ച പ്രതികരണമാണ് ചിത്രം നേടിയത്. ലാജോ ജോസ് എഴുതിയ റൂത്തിന്‍റെ ലോകം എന്ന നോവലിനെ അധികരിച്ചാണ് അമല്‍ നീരദ് സിനിമയൊരുക്കിയിരിക്കുന്നത്.