പ്രണയത്തിന്റെ രാജകുമാരന് ഇന്ന് അൻപത്തിയൊമ്പതാം പിറന്നാൾ. ആരാധകരും സഹപ്രവര്‍ത്തകരുമെല്ലാം താരത്തിന് ആശംസകളുമായി എത്തുന്നുണ്ട്. എന്നാല്‍ കിങ് ഖാൻ സർപ്രൈസ് പിറന്നാൾ സമ്മാനം ഒരുക്കിയിരിക്കുകയാണ് ഓസ്കാർ അക്കാദമി.
ആരാധകർ ഏറെ ആഘോഷിച്ച കഭി ഖുഷി കഭി ഗം ചിത്രത്തിലെ ഷാരുഖ് ഖാന്റെ ഇൻട്രോ സീൻ പങ്കുവെച്ചിരിക്കുകയാണ് ദ അക്കാദമിയുടെ ഔദ്യോഗിക ഇൻസ്റ്റഗ്രാം പേജ്. ഷാരുഖിന്റെ ജന്മദിനത്തിന്റെ തലേദിവസമാണ് വിഡിയോ പങ്കുവെച്ചതെന്നത് ആരാധകരെ ആവേശത്തിലാക്കി. 'അമ്മയുടെ അവബോധം എപ്പോഴും ശരിയാണ്' എന്ന അടിക്കുറുപ്പോടെയാണ് സീക്വൻസ് പങ്കുവെച്ചത്.
ഷാരുഖിന്റെ കരിയറിലെ ഏറ്റവും മികച്ച ചിത്രമായിരുന്നു കരൺ ജോഹർ ഒരുക്കിയ കഭി ഖുഷി കഭി ഗം. ഹെലികോപ്ടറിൽ നിന്ന് ഇറങ്ങിവരുന്നതായാണ് താരത്തിന്റെ ഇൻട്രോ. അമ്മയും മകനും തമ്മിലുള്ള വൈകാരികത നിറഞ്ഞ സീനായിരുന്നു അത്. തിരിച്ചെത്തിയ മകൻ വീട്ടിൽ കാല്കുത്തുമ്പോൾ അമ്മ അത് ഉള്ളുകൊണ്ട് അറിയുന്നുണ്ട്. ശേഷം പൂ‍‍ജാ താലവും കൈയ്യിലേത്തി മകനെ അമ്മ സ്വീകരിക്കുന്നതാണ് ആ സീൻ.
ജയ ബച്ചനാണ് അമ്മ കഥാപാത്രത്തെ അവതരിപ്പിച്ചത്. അമിതാഭ് ബച്ചന്‍, ജയ ബച്ചന്‍, ഋത്വിക് റോഷന്‍, കരീന കപൂര്‍, കജോള്‍ തുടങ്ങി വന്‍ താരനിരയാണ് ചിത്രത്തിന്റെ ഭാഗമായുണ്ടായിരുന്നത്.
ഈ പോസ്റ്റ് തന്നെ തുറന്ന് ചിരിപ്പിച്ചെന്നായിരുന്നു കരൺ ജോഹറിന്റെ പ്രതികരണം. അക്കാദമിയുടെ കമന്റ് ബോക്സിൽ നിരവധി പേരാണ് ആശംസകളുമായെത്തിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
