Padavettu OTT: പടവെട്ട് നെറ്റ്ഫ്ളിക്സിലെത്തും; തീയ്യതി പുറത്ത്
വലിയ താര നിര അണി നിരക്കുന്ന ചിത്രം വലിയ വിവാദങ്ങളിലൂടെയാണ് കടന്ന് പോയത്
നിവിൻ പോളി നായകനായ പടവെട്ടിൻറെ ഒടിടി റിലീസ് തീയ്യതി പുറത്ത് വിട്ടു. ചിത്രം നെറ്റ്ഫ്ലിക്സിലാണ് എത്തുന്നത്. നടൻ സണ്ണി വെയ്ന്റെ ചലച്ചിത്ര നിർമാണ കമ്പനിയായ സണ്ണി വെയ്ൻ പ്രൊഡക്ഷൻസിന്റെ ആദ്യ സിനിമയാണ് പടവെട്ട്. ലിജു കൃഷ്ണ സംവിധാനം ചെയ്ത ചിത്രം നിരവധി വിവാദങ്ങളിലൂടെയാണ് കടന്നു പോയത്.
ഷൈൻ ടോം ചാക്കോ, ഇന്ദ്രൻസ്, വിജയരാഘവൻ, അന്തരിച്ച നടൻ കൈനകരി തങ്കരാജ്, ബാലൻ പാറക്കൽ തുടങ്ങിയവരാണ് മറ്റ് അഭിനേതാക്കൾ. ചിത്രത്തിൽ നിരവധി പുതുമുഖങ്ങളും അണിനിരക്കുന്നുണ്ട്. മലബാറിന്റെ പശ്ചാത്തലത്തിൽ മാലൂർ എന്ന ഗ്രാമത്തിൽ വെച്ചായിരുന്നു ചിത്രത്തിന്റെ ഷൂട്ടിങ്.
ലിജു കൃഷ്ണ തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ദീപക് ഡി. മേനോനാണ് ക്യാമറ കൈകാര്യം ചെയ്തത്. അൻവർ അലിയുടെ വരികൾക്ക് 96ലൂടെ തെന്നിന്ത്യയിൽ തരംഗമായ ഗോവിന്ദ് വസന്തയാണ് സംഗീതം നൽകിയിരിക്കുന്നത്. ഒരിടവേളയ്ക്ക് ശേഷം ഗോവിന്ദ് വസന്ത മലയാളത്തിലേക്ക് തിരിച്ചെത്തിയ ചിത്രം കൂടിയാണിത്.
അതേസമയം നവംബർ 25-നായിരിക്കും ചിത്രം നെറ്റ്ഫ്ലിക്സിലെത്തുക എന്നാണ് വിവരം. തീയ്യേറ്ററിൽ താരതമ്യേനെ മികച്ച പ്രതികരണമായിരുന്നു ചിത്രത്തിന് ലഭിച്ചത്. ചിത്രത്തിനായി പ്രേക്ഷകരും ത്രില്ലില്ലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...