RRR Release Postponed: `ചില സാഹചര്യങ്ങള്‍ നമ്മുടെ നിയന്ത്രണത്തിലല്ല` ; ആർആർആറിന്റെ റിലീസിങ് തീയതി നീട്ടി

Hyderabad : എസ്എസ് രാജമൗലിയുടെ (SS Rajamauli) ഏറ്റവും പുതിയ ചിത്രം ആർആർആറിന്റെ (RRR) റിലീസിങ് തീയതി (Releasing Date) നീട്ടി. ട്വിറ്ററിലൂടെയാണ് അണിയറ പ്രവർത്തകർ വിവരം അറിയിച്ചത്. ചിത്രം ജനുവരി 7 ന് തിയേറ്ററിൽ റിലീസ് ചെയ്യാൻ ഒരുങ്ങിയിരിക്കുകയായിരുന്നു.എന്നാൽ ഇപ്പോൾ ചിത്രത്തിന്റെ റിലീസിങ് അനിശ്ചിതമായി നീട്ടിയിരിക്കുകയാണ്.

രാജ്യത്ത് ഒമിക്രോൺ രോഗബാധ പടർന്ന് പിടിക്കുന്ന സാഹചര്യത്തിലാണ് തീരുമാനം. രോഗബാധ പടർന്ന് പിടിക്കുന്ന സാഹചര്യത്തിൽ രാജ്യത്തെ മിക്ക സംസ്ഥാനങ്ങളിലും  തീയേറ്ററുകൾ അടക്കാൻ ആരംഭിച്ചിട്ടുണ്ട്. അതിനാൽ തന്നെ തങ്ങൾക്ക് മറ്റ് മാർഗങ്ങൾ ഇല്ലെന്നാണ് അണിയറ പ്രവർത്തകർ അറിയിച്ചിരിക്കുന്നത്. ശരിയായ സമയം ആകുമ്പോൾ ചിത്രം  റിലീസ് ചെയ്യുമെന്ന് അറിയിച്ചിട്ടുണ്ട്.

ബാഹുബലിക്ക് ശേഷം രാജമൗലിയുടെ സംവിധാനത്തിൽ ഒരുങ്ങുന്ന ചിത്രമാണ് ആർആർആർ. രുധിരം രണം രൗദ്രം എന്നതിന്റെ ചുരുക്കപ്പേരാണ് ആർആർആർ. ജൂനിയർ എൻടിആർ, രാം ചരൺ എന്നിവർ മുഖ്യകഥാപാത്രങ്ങളാകുന്ന ചിത്രം 1920-കളിലെ അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമരസേനാനികളുടെ കഥയാണ് പറയുന്നത്. 

അല്ലൂരി സീതാരാമ രാജുവായി രാം ചരണെത്തുമ്പോൾ കോമരം ഭീം ആയി എത്തുന്നത് ജൂനിയർ എൻടിആറാണ്.  450 കോടി മുതൽ മുടക്കിൽ ഒരുങ്ങുന്ന ചിത്രത്തിലൂടെ ബോളിവുഡ് താരങ്ങളായ ആലിയ ഭട്ടും അജയ് ദേവ്ഗണും അവരുടെ ആദ്യ ദക്ഷിണേന്ത്യൻ ചിത്രത്തിന്റെ ഭാഗമാകുകയാണ്.

ഒലിവിയ മോറിസ്, സമുദ്രക്കനി, അലിസൺ ഡൂഡി, റേ സ്റ്റീവൻസൺ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. വി. വിജയേന്ദ്രപ്രസാദാണ് ചിത്രത്തിന്റെ തിരക്കഥ. എഡിറ്റിംഗ് ശ്രീകർ പ്രസാദും ഛായാഗ്രഹണം കെ കെ സെന്തിൽ കുമാറും നിർവഹിക്കുന്നു. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy