Swargam: `സ്വർ​ഗം` പോൽ മനോഹരം! കുടുംബബന്ധങ്ങളുടെ കഥയുമായി അജുവും ജോണി ആന്റണിയും; ട്രെയില‍‍‍ർ പുറത്ത്

'ഒരു സെക്കൻഡ് ക്ലാസ് യാത്ര'യുടെ വിജയത്തിന് ശേഷം റെജിസ് ആൻ്റണി ഒരുക്കുന്ന 'സ്വർ​ഗം' എന്ന ചിത്രത്തിന്റെ ട്രെയില‍ർ പുറത്ത്. രസകരവും ഹൃദയസ്പർശിയായതുമായ ഒട്ടേറെ രം​ഗങ്ങൾ   കോർത്തിണക്കിയ ട്രെയിലർ, മനോഹരമായൊരു കുടുംബചിത്രമാണ് 'സ്വർ​ഗം' എന്ന സൂചന നൽകുന്നു. 

ജോണി ആന്റണി, അജുവർ​ഗീസ്, മഞ്ജുപിള്ള, അനന്യ എന്നിവരാണ് ചിത്രത്തിൽ കേന്ദ്ര കഥാപാത്രങ്ങളായി എത്തുന്നത്. സിഎൻ ​ഗ്ലോബൽ മൂവീസിന്റെ ബാനറിൽ ഡോ. ലിസി ഫെർണാണ്ടൻസും ടീമും നി‍ർമ്മിക്കുന്ന ചിത്രം ഈ മാസം അവസാനം തിയറ്ററുകളിലെത്തും. 

മധ്യതിരുവതാംകൂറിലെ ക്രൈസ്തവ പശ്ചാതലത്തിൽ അയൽവാസികളായ രണ്ട് കുടുംബങ്ങളുടെ ജീവിതത്തിലൂടെയാണ് സിനിമ സഞ്ചരിക്കുന്നത്. ഈരാറ്റുപേട്ട, പാലാ എന്നിവിടങ്ങളിലായിരുന്നു ചിത്രത്തിന്റെ ഷൂട്ടിം​ഗ്. സ്വർ​ഗത്തിലെ കല്യാണപാട്ടും കപ്പപാട്ടും സ്നേഹ ചൈതന്യമേ എന്ന ​ഗാനവും ഇതിനോടകം തന്നെ സോഷ്യൽമീഡിയയിൽ ശ്രദ്ധ നേടി.

വിനീത് തട്ടിൽ, സിജോയ് വർഗീസ്, സാജൻ ചെറുകയിൽ, അഭിരാം രാധാകൃഷ്ണൻ, രഞ്ജിത്ത് കങ്കോൽ, ഉണ്ണി രാജാ, കുടശ്ശനാട് കനകം, പുത്തില്ലം ഭാസി, മനോഹരി ജോയ്, തുഷാര പിള്ള, മേരി, മഞ്ചാടി ജോബി എന്നിവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്.

കഥ- ലിസ്റ്റി. കെ. ഫെർണാണ്ടസ്. തിരക്കഥ- റെജീസ് ആൻ്റണി റോസ്റെ ജീസ്. ഹരിനാരായണൻ സന്തോഷ് വർമ്മ എന്നിവരാണ് ചിത്രത്തിലെ മറ്റ് ​ഗാനങ്ങൾ രചിച്ചിരിക്കുന്നത്. ബിജിബാലാണ് ചിത്രത്തിലെ മറ്റ് ​ഗാനങ്ങൾ ഒരുക്കിയിരിക്കുന്നത്. ഛായാഗ്രഹണം- എസ്. ശരവണൻ. എഡിറ്റിംഗ്-  ഡോൺ മാക്സ്. കലാസംവിധാനം- അപ്പുണ്ണി സാജൻ. മേക്കപ്പ്- പാണ്ഡ്യൻ. കോസ്റ്റ്യൂം ഡിസൈൻ- റോസ് റെജീസ്.

നിശ്ചല ഛായാഗ്രഹണം- ജിജേഷ് വാടി. ചീഫ് അസ്സോസ്സിയേറ്റ് ഡയറക്ടർ- എ.കെ. റെജിലേഷ്. അസ്സോസ്സിയേറ്റ് ഡയറക്ടേർസ്- ആൻ്റോസ് മാണി, രാജേഷ് തോമസ്. പ്രൊഡക്ഷൻ എക്സിക്യൂട്ടീവ്- ബാബുരാജ് മനിശ്ശേരി. പ്രൊഡക്ഷൻ കൺട്രോളർ- തോബിയാസ്.