Adade Manohar Passed Away: തമിഴ് നാടക - ചലച്ചിത്ര നടൻ അടഡേ മനോഹർ അന്തരിച്ചു

ചെന്നൈ: തമിഴ് നാടക, ചലച്ചിത്ര നടൻ അടഡേ മനോഹർ അന്തരിച്ചു. വാർധക്യ സഹജമായ അസുഖത്തെ തുടർന്ന് ചെന്നൈയിലെ വീട്ടിൽ വെച്ചായിരുന്നു അന്ത്യം. ചെറുപ്പം മുതൽ നാടകങ്ങളിൽ അഭിനയിച്ച മനോഹർ 3500 ഓളം നാടകങ്ങളിൽ അഭിനയിച്ചിട്ടുണ്ട്. ഒപ്പം 35 നാടകങ്ങൾ എഴുതി സംവിധാനം ചെയ്തിട്ടുണ്ട്. 

നാടകങ്ങളിലെ ഹാസ്യവേഷങ്ങളിലൂടെയാണ് അടഡേ മനോഹർ ഏറെയും ശ്രദ്ധിക്കപ്പെട്ടിരുന്നത്. റേഡിയോ നാടകങ്ങളിലും സജീവമായിരുന്നു. 25 ൽ കൂടുതൽ സിനിമകളിൽ ഹാസ്യ വേഷങ്ങളിൽ താരം അഭിനയിച്ചിരുന്നു.  ഒരു സ്വകാര്യ കമ്പനിയിൽ ജോലി ചെയ്യുന്നതിനിടയിലാണ് നാടകങ്ങളിലും ടിവി സീരിയലുകളിലും അദ്ദേഹം പ്രവർത്തിച്ചത്. 

എസ് വി ശേഖർ, ഗ്രേസി മോഹൻ തുടങ്ങിയ പ്രതിഭകൾക്കൊപ്പം പ്രവർത്തിച്ചിട്ടുള്ള അടഡേ മനോഹർ ചിന്ന മാപ്പിളൈ പെരിയ മാപ്പിളൈ, രമണി വേഴ്സസ് രമണി തുടങ്ങി നിരവധി ടിവി സീരിയലുകളിലും അഭിനയിച്ചിട്ടുണ്ട്.  ഇദ്ദേഹത്തിന്റെ ഭാര്യ 12 വർഷം മുമ്പ് മരിച്ചിരുന്നു.  മൂന്ന് മക്കളുണ്ട്. ഇവർക്കൊപ്പം താമസിക്കുന്നതിനിടയിലാണ് ആരോഗ്യനില മോശമായതിനെ തുടർന്ന് അന്ത്യം സംഭവിച്ചത്. 

മധ്യപ്രദേശിൽ പിക്കപ്പ് വാൻ മറിഞ്ഞ് 14 മരണം; 21 പേർക്ക് പരിക്ക്

മധ്യപ്രദേശിലെ ഡിൻഡോരി ജില്ലയിൽ നിയന്ത്രണം വിട്ട പിക്കപ്പ് വാൻ മറിഞ്ഞ് 14 പേർക്ക് ദാരുണാന്ത്യം.  അപകടത്തിൽ 21 പേർക്ക് പരിക്കേറ്റതായിട്ടാണ് റിപ്പോർട്ട്. ദിൻഡോരി ജില്ലയിലെ ഷാഹ്പുര പോലീസ് സ്‌റ്റേഷൻ പരിധിയിലായിരുന്നു അപകടം. 

'ഗോധ് ഭരായി' (വളക്കാപ്പ്) ചടങ്ങിൽ പങ്കെടുത്ത് മടങ്ങവേയായിരുന്നു അപകടം നടന്നതെന്നാണ് പോലീസ് പറയുന്നത്. അപകടത്തെ തുടർന്ന് പോലീസും മറ്റ് ഉദ്യോഗസ്ഥരും സ്ഥലത്തെത്തി പരിക്കേറ്റവരെ ഷാപുരയിലെ കമ്മ്യൂണിറ്റി ഹെൽത്ത് സെൻ്ററിലേയ്ക്ക് മാറ്റിയിട്ടുണ്ട്. മരിച്ചവരുടെ മൃതദേഹങ്ങൾ പോസ്റ്റ്‌മോർട്ടത്തിന് അയച്ചതായി പോലീസ് അറിയിച്ചു.