Dhyan Sreenivasan : ധ്യാൻ ശ്രീനിവാസന്റെ ത്രയം ഈ വർഷം സെപ്റ്റംബറിൽ തീയേറ്ററുകളിൽ എത്തും
Thrayam Movie Release Date : ധ്യാൻ ശ്രീനിവാസനൊപ്പം സണ്ണി വെയ്നും കേന്ദ്ര കഥാപാത്രമായി എത്തുന്ന ചിത്രമാണ് ത്രയം.
ധ്യാൻ ശ്രീനിവാസന്റെ ഏറ്റവും പുതിയ ചിത്രം സെപ്റ്റംബറിൽ തീയേറ്ററുകളിൽ എത്തും. ചിത്രത്തിൻറെ സംവിധായകൻ സഞ്ജിത് ചന്ദ്രസേനൻ ഇടൈംസിന് നൽകിയ അഭിമുഖത്തിലാണ് വിവരം അറിയിച്ചത്. ചിത്രത്തിൻറെ ടീസറുകളും പാട്ടും മറ്റും ഇതിനോടകം തന്നെ പുറത്തുവന്നിരുന്നു. ധ്യാൻ ശ്രീനിവാസനൊപ്പം സണ്ണി വെയ്നും കേന്ദ്ര കഥാപാത്രമായി എത്തുന്ന ചിത്രമാണ് ത്രയം. സംവിധായകൻ സഞ്ജിത്ത് ചന്ദ്രസേനന്റെ ആദ്യ ചിത്രമാണ് ത്രയം. നിലവിൽ ചിത്രത്തിൻറെ പോസ്റ്റ് പ്രൊഡക്ഷൻ വർക്കുകൾ പുരോഗമിച്ച് വരികെയാണ്. അരുൺ കെ ഗോപിനാഥ് ആണ് ചിത്രത്തിന് തിരക്കഥ ഒരുക്കിയിരിക്കുന്നത്. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ത്രയം. അജു വർഗീസ്, നിരഞ്ജ് രാജു, ചന്തുനാഥ്, ഡെയ്ൻ ഡേവിസ്, രാഹുൽ മാധവ്, ഷാലു റഹീം, അനാർക്കലി മരക്കാർ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അജിത് വിനായക ഫിലിംസിൻ്റെ ബാനറിൽ വിനായക അജിത് ആണ് ചിത്രത്തിന്റെ നിർമ്മാണം. പൂർണമായും രാത്രി സമയത്ത് ഷൂട്ട് ചെയ്തിരിക്കുന്ന ചിത്രമാണ് ത്രയം.
തിരക്കേറിയ നഗരത്തിൽ രാത്രിയുടെ പശ്ചാത്തലത്തിൽ അങ്ങോട്ടും ഇങ്ങോട്ടും ബന്ധപ്പെട്ട് കിടക്കുന്ന പകയുടെയും കുറ്റകൃത്യങ്ങളുടെയും പ്രണയത്തിൻ്റെയും പശ്ചാത്തലത്തിൽ നിരവധി ജീവിത സാഹചര്യങ്ങളിൽ നിന്നും വന്നുകയറുന്ന കുറച്ച് യുവാക്കളുടെ കഥയാണ് ത്രയം എന്ന സിനിമയിലൂടെ പറയുന്നത്. അരുൺ മുരളീധരൻ ആണ് സംഗീതം സംവിധായകൻ. ജിജു സണ്ണി ആമ് ഛായാഗ്രഹണം നിർവഹിക്കുന്നത്. രതീഷ് രാജ് ചിത്രസംയോജനവും നിർവഹിച്ചിരിക്കുന്നു.
ALSO READ: Thrayam Movie: ധ്യാൻ ശ്രീനിവാസനും സണ്ണി വെയ്നും; ത്രയം പുതിയ പോസ്റ്റർ, റിലീസ് ഉടൻ
അതേസമയം ധ്യാൻ ശ്രീനിവാസൻ നായകനായി എത്തുന്ന പുതിയ ചിത്രം പാപ്പരാസികളുടെ പുതിയ പോസ്റ്റർ അടുത്തിടെ പുറത്തുവിട്ടിരുന്നു. ചിത്രത്തിൽ നടി ഐശ്വര്യ മേനോനും ഒരു പ്രധാന കഥാപാത്രമായി എത്തുന്നുണ്ട്. മുനാസ് മുഹമ്മദാണ് ചിത്രം സംവിധാനംചെയ്യുന്നത് . ചിത്രത്തിൻറെ തിരക്കഥ ഒരുക്കുന്നതും സംവിധായകൻ മുനാസ് മുഹമ്മദ് തന്നെയാണ്. വർമ്മ പ്രൊഡക്ഷൻസിന്റെ ബാനറിലാണ് ചിത്രമെത്തുന്നത്. ചിത്രം നിർമ്മിക്കുന്നത് ശ്രീജിത്ത് വർമ്മയാണ്. ചിത്രത്തിൽ ധ്യാൻ ശ്രീനിവാസൻ, ഐശ്വര്യ മേനോൻ എന്നിവരെ കൂടാതെ ഭഗത് മാനുവൽ, ജാഫർ ഇടുക്കി, ഫഹദ് മൈമൂൺ, ശ്രീജിത്ത് വർമ്മ, ഇന്നസെന്റ്, ടി ജി രവി, നിർമൽ പാലാഴി തുടങ്ങിയവരും പ്രധാന വേഷങ്ങളിൽ എത്തുന്നുണ്ട്.
ചിത്രത്തിൻറെ ഛായാഗ്രഹണം നിർവ്വഹിക്കുന്നത് രാഹുൽ സി വിമലയാണ്. ‘ഒരു മെക്സിക്കൻ അപാരത’, ‘ഗാംബ്ലർ’ എന്നീ ചിത്രങ്ങളിലൂടെ ശ്രദ്ധ നേടിയ മണികണ്ഠൻ അയ്യപ്പായാണ് ചിത്രത്തിൻറെ സംഗീത സംവിധാനം നിർവഹിക്കുന്നത്. ചിത്രത്തിൻറെ ഗാനങ്ങൾക്ക് വരികൾ ഒരുക്കുന്നത് ബികെ ഹരിനാരായണനും ജ്യോതിഷ് കാശിയും ചേർന്നാണ്. ചിത്രത്തിൻറെ പൂജ മുമ്പ് തന്നെ നടത്തിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...