Vettaiyan Pirated Print: `വേട്ടയനും` വ്യാജനെത്തി; റിലീസ് ചെയ്ത് മണിക്കൂറുകൾക്കുള്ളിൽ വ്യാജപതിപ്പ് പുറത്ത്

ര‍ജനീകാന്ത് നായകനായെത്തിയ ടി.ജെ ജ്ഞാനവേൽ ചിത്രമാണ് വേട്ടയൻ. ഇന്നലെ, ഒക്ടോബർ 10ന് ചിത്രം തിയേറ്ററുകളിൽ റിലീസ് ചെയ്തു. സമ്മിശ്ര പ്രതികരണമാണ് ചിത്രത്തിന് തിയേറ്ററുകളിൽ നിന്ന് ലഭിച്ചത്. ഇപ്പോഴിതാ റിലീസ് ചെയ്ത് മണിക്കൂറുകൾക്കുള്ളിൽ ചിത്രത്തിന്റെ വ്യാജപതിപ്പ് പുറത്തുവന്നുവെന്നാണ് റിപ്പോർട്ട്. തമിഴ് ബ്ലാസ്റ്റേഴ്സ് എന്ന സൈറ്റിലാണ് വേട്ടയന്റെ വ്യാജ പതിപ്പ് എത്തിയതെന്നാണ് റിപ്പോർട്ട്. ആരാധകർക്ക് ആവേശം നിറച്ച ചിത്രമാണ് ഇതെന്നാണ് പ്രതികരണങ്ങൾ വന്നത്. ചിത്രത്തിൽ രജനികാന്ത് നിറഞ്ഞാടുകയാണെന്നും ഫഹദും ഒപ്പം തകര്‍ത്താടിയെന്നുമാണ് വേട്ടയൻ തിയേറ്ററില്‍ കണ്ടവര്‍ പറയുന്നത്. 

ടി.ജെ ജ്ഞാനവേൽ തന്നെ തിരക്കഥയെഴുതി സംവിധാനം ചെയ്ത ചിത്രമാണ് വേട്ടയൻ. അമിതാഭ് ബച്ചൻ, ഫഹദ് ഫാസിൽ, റാണ ദഗ്ഗുബതി, മഞ്ജു വാര്യർ, ദുഷാര വിജയൻ, റിതിക സിം​ഗ് തുടങ്ങി വൻ താരനിരയാണ് വേട്ടയനിൽ അണിനിരന്നത്. ചിത്രത്തിലെ 'മനസ്സിലായോ' എന്ന ഗാനം ട്രെൻഡിങ് ആയിരുന്നുന. അനിരുദ്ധ് രവിചന്ദറാണ് സം​ഗീത സംവിധായകൻ.

രജനീകാന്തിന്റെ 170-ാമത്തെ ചിത്രമാണ് വേട്ടയൻ. ലൈക്ക പ്രൊഡക്ഷൻസിന്റെ ബാനറിൽ  സുബാസ്കരൻ നിർമ്മിക്കുന്ന സിനിമ തമിഴ്, തെലുങ്ക്, കന്നട, ഹിന്ദി എന്നീ ഭാഷകളിൽ തിയറ്ററുകളിലെത്തും.