Manju Warrier Viral Dance Video: കുട്ടിപ്പടയ്ക്കൊപ്പം കിം കിം പാട്ടിന് ചുവടുവെച്ച് മഞ്ജു വാര്യർ, വേറെ ലെവലെന്ന് ആരാധകർ
കുട്ടികൾക്ക് നടുവിൽ നിന്ന് മഞ്ജു നൃത്തം ചെയ്യുന്നതാണ് വീഡിയോയിലുള്ളത്. മഞ്ജു തന്നെ വീഡിയോ സോഷ്യൽ മീഡിയയിൽ പങ്കുവച്ചിട്ടുണ്ട്.
മഞ്ജു വാര്യരെ കേന്ദ്ര കഥാപാത്രമാക്കി സന്തോഷ് ശിവൻ സംവിധാനം ചെയ്ത ചിത്രമാണ് ജാക്ക് ആൻഡ് ജിൽ. ചിത്രം ഇന്ന് (മെയ് 20) തിയേറ്ററുകളിൽ റിലീസ് ചെയ്ത് കഴിഞ്ഞു. ഒരു സയൻസ് ഫിക്ഷൻ ചിത്രമാണ് ജാക്ക് ആൻഡ് ജിൽ. ചിത്രം പുറത്തിറങ്ങും മുൻപ് തന്നെ അതിലെ ഗാനങ്ങളെല്ലാം ഏറെ ശ്രദ്ധ നേടിയിരുന്നു. അതിൽ ഏറ്റവും ശ്രദ്ധ നേടിയ ഗാനമാണ് കിം കിം കിം. കഴിഞ്ഞ വർഷമാണ് ഈ ഗാനം പുറത്തവിട്ടത്.
അന്ന് മുതൽ ഇന്ന് വരെ ഈ പാട്ട് കുട്ടികൾ ഉൾപ്പെടെ നിരവധി പേർ ഏറ്റെടുത്തിരുന്നു. ഈ പാട്ട് കൊണ്ടുള്ള റീൽസ് ഉൾപ്പെടെ ഒരുക്കി ആരാധകർ ഏറ്റെടുത്തിരുന്നു. മഞ്ജു വാര്യറിന്റെ ചുവടുകളും വളരെ രസകരമായിരുന്നു. ഇപ്പോഴിതാ വീണ്ടും ഈ ഗാനത്തിന് മഞ്ജ ചുവടുവയ്ക്കുകയാണ്. ഇത്തവണ മഞ്ജുവിനൊപ്പം ഒരു കുട്ടിപ്പടയുമുണ്ട് കിം കിം കളിക്കാൻ. ജാക്ക് ആൻഡ് ജിൽ പ്രമോഷന്റെ ഭാഗമായി നടന്ന ഒരു പരിപാടിയിലാണ് മഞ്ജു വാര്യർ കുട്ടികൾക്കൊപ്പം ഈ പാട്ടിന് ചുവടുവെച്ചത്.
വീഡിയോ ഇതിനോടകം വൈറലായിക്കഴിഞ്ഞു. കുട്ടികൾക്ക് നടുവിൽ നിന്ന് മഞ്ജു നൃത്തം ചെയ്യുന്നതാണ് വീഡിയോയിലുള്ളത്. മഞ്ജു തന്നെ വീഡിയോ സോഷ്യൽ മീഡിയയിൽ പങ്കുവച്ചിട്ടുണ്ട്. വൈറലായ ഈ വീഡിയോയ്ക്ക് നിരവധി കമന്റുകളും ലഭിച്ചു. നല്ല ക്യൂട്ട് ആയിട്ടുണ്ട് ചേച്ചി (Awwww... Dat's soo cute chechi) എന്നാണ് നടി ശിവദ കമന്റ് ചെയ്തിരിക്കുന്നത്.
Also Read: NTR 31: എൻടിആർ ജൂനിയറും പ്രശാന്ത് നീലും ഒന്നിക്കുന്ന എൻടിആർ 31ന്റെ പോസ്റ്റർ പുറത്തുവിട്ടു
സൗബിന്‍ ഷാഹിര്‍, നെടുമുടി വേണു, ഇന്ദ്രന്‍സ്, ബേസില്‍ ജോസഫ്, കാളിദാസ് ജയറാം, അജു വര്‍ഗീസ്, സേതുലക്ഷ്മി, ഷായ്‌ലി കിഷന്‍, എസ്തർ അനില്‍ തുടങ്ങി വലിയൊരു താരനിര ചിത്രത്തിൽ അണിനിരക്കുന്നുണ്ട്. ജോയ് മൂവി പ്രോഡക്ഷന്‍സാണ് ചിത്രം തിയേറ്ററുകളില്‍ വിതരണത്തിന് എത്തിക്കുന്നത്. സെന്റിമീറ്റര്‍ എന്ന പേരില്‍ തമിഴിലും ഈ ചിത്രമൊരുങ്ങുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...